کۊمیتەو پەیوەندییەکاو بەروو کەجەکەی، داواش وەنەو گرد لاێوە کە رڎە، کە هەڵوێستشا بۊ و ڕووبەڕووۍ گرد هجوومێوە دژوو دەسکەوتەکاو گەلوو کوردی باوە و دژوو سیاسەتوو هامکاری کە ڕا پەی قڕکە رڎەی کو رڎا کەرۊوە، م رڎاوە.
کۊمیتەو پەیوەندییەکاو بەروو کەجەکەی واتش: شەوەو ١٥ کانوونوو دووەمی سوپاو پاسداراو ئێرانی بە مووشەکۍ هجوومش کەرد سەروو هەولێری. هاموەڵاتۍ چا هجوومەنە مە رڎۍ. ئێمە هجوومەکەی شەرمەزار کەرمۍ و سەرەوەشیما ئاراسەو کەسوکاروو قوربانییەکا کەرمۍ ، پەدەکە بە سیاسەتوو وێش کور ڎسانش کە رڎەن بە یاگۍ جەنگی و ئەرەگیری شەڕ و ئینە یاگۍ ڕەخنەینە. هجوومەکۍ پەی سەروو گەلوو کوردی و یاگۍ ئەرەنیشتەیەکا ئەنجاموو ئا سیاسەتە غەڵەتانە ناشەرعیێنۍ و دروسۍ نییەنۍ. ماچۊیچ: "مشۊم حکوومەتوو ئێرانی قسۍ گونجیێش جەنی کوردی با و هجوومەکاو سەروو کور ڎسانی مردنۊ و حیچ هۊکارێوە نەدۊ دەسۊ پەی بەهاناو ئەرەگیرکاریی تورکیای".
چی بەیاننامەنە باس چانەیچە کریان، کە هجوومە کۊکوشییەکۍ پەی سەروو خەڵکوو کور ڎسانی و بە سەرمەشقایەتیی حکوومەتوو تورکیای بە رڎەوامێنۍ و باسوو ئانەیە کریان: گەریلاکاو ئازاڎیی کور ڎسانی خەتەی قارەمانانێشا پەی بەرزتەرین ئاستی بەرزە کە رڎۊ و وەرگێریی ئا هجووماشا کەرد. ئی مدرامانە هامسەنگیی فاشیزمی تێک مدۊ و جەنگەرانتەرش کەرۊوە. ڕۊشنا کە وەراوەروو هجوومە قڕکارییەکاوە، جگە جە پاگێرتەیرەی سەروو ژیوای ئازاڎی و مدرامانی حیچ ڕایۍ تەرە نییەنە. گەریلاکاو کور ڎسانی سەروو بنەماو ئی خەتە بنچینەییۍ ئینسانیەتیشا بنیات منیا و خاڵ بە خاڵ ئەرەگیرکارییەکاو حکوومەتوو تورکیای پاک کەراوە و ماڕاشا. ئی ئاستە بەرزە مدرامانییە کە ئیلهامبەخشا پەی گەلوو کور ڎسانی، حکوومەتوو تورکیای و پارتی دیموکراتوو کور ڎسانیش بێتاقەتۍ کە رڎێنۍ، سوپاو تورکی فاشیستی، کە بە ئیمکاناتە بێسنوورەکاو پەدەکەیوە کەشەکاو کور ڎسانینە بنێش وستێنە، یاوان دۊخێوە، کە مەزانۊ چێش جە گورزی کوشندەو گەریلاکا کەرۊ.
جمیەروو ئازاڎی دمایی بە سیاسەتوو ئەرەگیرکاریی ئاکەپە – مەهەپەی مارۊ.
حەرپاسە جە ئەرەیاونیاو کۊمیتەو پەیوەندییەکاو بەروو کەجەکەی ئاماژە پینیشا کریان:
جمیەرکەما زوۊن سیاسەتوو هامکاریی خەیانەتکارانەو پەدەکەی و هەڕەشەکاش پەی سەروو کور ڎسانی پەی ڕای گردینی هامبەش کەرۊ. پەدەکە ئا ڕەخنە و هۊشدارییشە پەشتگۊش وستۍ و زیاتەر دژوو جمیەری ئازاڎیوازی کوردی بییۊ. پەی شارتەیۊ خیانەتە هامبەشەکەیش، زیاتەر هامکاریی سوپاو تورکیایش کەرد تا بیاوۊ کەشەکاو کور ڎسانی و سەنگەرەکاو گەریلای. گەریلاکاو پەکەکەی تارێخی سەروازی و وەرگێریی کور ڎسانینە یاوێنۍ ئاستێوە بەرز و کاریگەرییشا بەرکەوتەن. ئیساتۍ گەریلاکۍ گورزی قورس وەنەو هامکاریی پارتی دیموکراتوو کور ڎسانی و حکوومەتی تورکیای مدا. جمیەری ڕزگاریوازوو کور ڎسانی کەشەکاو کور ڎسانینە، سیاسەتە ئەرەگیرکەرانەکاو پارتوو دادی و گەشەپەنەدای و مەهەپەیش بەتندی تووشوو وڕنای کە رڎێنۍ و داواشا وەنە کەرۊ تەسلیمۍ با.
حکوومەتی فاشیستی تورکیا بە بەکارئا رڎەی گرد جۊرە چەکێوە دژوو گەلەکەیما و کور ڎسانی بیەنۊ. ئەوەڵ وێڕاس مەنتێقەکاو ژیوای و کۊمەڵایەتی سەرنیشت و وەرکەوتوو سوریا- وەرنیشتی کەرۊ ئامانج، جە پانیشتوو کور ڎسانینە، بە بۊردومان هەوڵۍ چۊڵکە رڎەی یاگە ئەرەنیشتەییەکا مدۊ و گەرەکشا پێکئاماو ئەرەنیشتاو کور ڎسانی فاڕۊ. چا چوارچوەنە نە بەرەی میاندەوڵەتی و نە حکوومەتیوو هەولێری حیچ ناڕەزایەتیێوە جیددییشا وەراوەروو هجووموو فڕۊکە بێفڕۊکەوانە بۊمبچنکریایەکاو دەوڵەتوو تورکی نیشانە نەدان. ڕاسیینە پارتی دیموکراتوو کور ڎسانی گرد چێو کەرۊ پەی ئەرەگیرکارییەکاو حکوومەتی تورکیای پانیشتوو کور ڎسانینە و چۊڵکە رڎەی دەگایەکا. سەرنیشت و وەرکەوتوو سوریاینە، هەرێمەکاو پارێزنای مێدیای، پانیشتوو کور ڎسانینە، شەنگال و مەخموورنە بە شێوەی سیستماتیکی بە هجوومی کۊکوشیانە کریا ئامانج. چی هجوومانە چەکی ئەتۊمی، کیمیایی و تاکتیکی بەکارۍ مەیا. ئی چەکۍ کە جە یاسا میاندەوڵەتییەکانە دژ بە ئینسانی و سروشتی قەدەغێنۍ، وەختۍ کوردی کەرا ئامانج، وەڵاتا ژاوەژاوی دەنگ مەکەرانۍ، قڕکە رڎەی کوردی بە ڕەوا موینا. هامکاریی پەدەکەیچ جە بە شەرعیەتنیایرەییش دەوری گرنگ مرمانۊ. ئی سیاسەتە خیانەتکارییە هانی هاکان فیدانی مدۊ، کە بکوشی ڕوانە کەرۊ و هەڕەشۍ وەنەو کوردی کەرۊ.
داوا جە گردوو ویروڕای گردینی شۊڕشگێڵنی – دیموکراتیکی و بەتایبەت گەلەکەیما کەرمۍ کە دژوو گرد جۊرە هجوومێوە دژوو دەسکەوتە نەتەوەیی و سیاسەتە هامبەشەکاو کوردی، کە بابایسوو کۊکوشیی کوردی، م رڎاوە و کۊشیاییشا بەرز کەراوە.
داوا وەنەو ڕای گردینی میاندەوڵەتی کەرمۍ، وەراوەر بە سیاسەتەکاو قوربانیکە رڎەی گەلوو کوردی پەی بەرژەوەندیی زلهێزە باڵادەسەکان هەستیارۍ با، بێدەنگۍ نەبا و هەڵوێستێوە کاریگەرشا بۊ.
