کۆنفیداسیۆنوو کوردسانیا ئەڵمانیای (کۆن-مەد) پەیوەس بە ڕاپیمای ١٧و شوباتی جە کۆڵن، کە جە ٢٦ەمین ساڵیاڎوو پیلانگێڵنی میان نەتەوەیی ١٥و شوباتینە ملۊڕاوە، بانگەوازێوەش ئەرەیاۋنا.

جە سەرەتاو ئەرەیاۋناکەینە ئامان؛ پیلانگێڵنیی میان نەتەوەیی ١٥ی شوباتی، جە دژوو ڕابەروو گەلوو کوردی عەبدوڵا ئۆجالانی شەرمەزار کەرمۍ. ئامانجی سەرەکی گۆشەگیری، سەروو ڕابەروو گەلوو کوردی عەبدوڵا ئۆجالانی، قوڵکەردەیۆ و چەقبەستەی قۊرتەکا گەلوو کوردین. ئامانجوو بەردەوامیدای بە گۆشەگیری ئیمراڵی، ئاشکران جە دژوو بیەی و ئیراڎەی ئازاڎییا و پەی تاونایۆ و قڕکەردەی گەلوو کوردی ئەنجام مڎریۆ.

کۆن-مەد ئەرەیاۋناش، هێزە پیلانگێڵنەکۍ، بە سیستموو پیلانگێڵنیی گەرەکشانە، ڕابەروو گەلوو کوردی عەبدوڵا ئۆجالانی، بێ کاریگەر کەرا، جە گلېرگەیش بڕارە و ئانەیچش وستەن ڕووە: " بەڵام ڕابەر ئاپۆ بە پارادایموو سیستمی نەتەوەی دیموکراتی، ئیکۆلۆژی و ئازاڎیی ژەنۍ، هەر پاسە بە کۆنفیدراڵیزموو دیموکراتیکی، ۋەران ۋەر بە گرڎوو قۊرتەکا گلېرگەی، کە ۋێشا تەسلیم بە سیستموو دەسەڵاتوازی دەوڵەت نەتەوەی سەردەسی و پیا سالاری کەردەن. چارەسەرش پۍ قۊرتەکا گلېرگەی و چەوەسیا و بندەسەکا پنەن. پی جۊرە ڕابەر ئاپۆ، ڕابەروو جەهانی و هیواو گەلان".

جە دمادمایی ئەرەیاۋناکەینە کۆن-مەد، داواش جە (سی پی تی)، ئەنجومەنوو ئەوروپای و نەتەوە یۊگێرتەکا کەرد و ئەرەیاۋناش : "بە زووتەرین وەخت، دەسوەردای کەرا و دمایی بە سیستموو ئەشکەنجەی جە ئیمراڵینە بارا و دەموودەس شاندێوە پێکبارا. سیاسەتوو گۆشەگیری و جەنگی، بە ئامانجوو تاونایۆ و دلېنەبەردەی کۊشیای دیموکراتیکی گەلوو کوردین. حەتا گۆشەگیری ئیمراڵی دمایش پنەنۍ، قڕکەردەی کوردا بەردەوام بۆ. پۍ چارەسەرکەردەی قۊرتەکا کوردی، دیموکراتیکی بیەو تورکیای و ۋەرکەوتوو دلېڕاسەی و دمایی ئامای بە جەنگی، مشۊم ڕابەروو گەلوو کوردی ئازاڎ بۆ. هەر پۊکەی پۍ بەشداری جە ڕاپیمای تاریخی کۆڵنی کە جە ١٧و شوباتی سازکریۆ داوا جە گەلوو کوردی و دۆساما جە ئەڵمانیا کەرمۍ بەشداری چا ڕاپیماینە کەرا و ئانەشا هۊش نەشۆ، کە بێدەنگی مەردەین و تەماشەکەردەی تاوانەنە".