ئارۊ شەممە، سەعات ١٠:٠٠ بەیانی، شاروو لۊزانوو سویسراینە، کۊنفرانسی ١٠٠ ساڵەو لۊزانی، بە دروشموو "هەڵوێستوو گەلوو کوردستانی جە ١٠٠مین ساڵگێڵوو پەیماننامەو لۊزانینە " دەسش بە هەرمانەکاش کەرد. کۊنفڕانسەکەنە نزیکەو ٨٠٠ سیاسەتمەدارۍ، چالاکۍ، ئەکادمیسیەنۍ، هونەرمەندۍ و کەسایەتیۍ جیاوازۍ، نوێنەراو ٧٢  پارت و ڕێکوزیایا بێجگە جە پەدەکە جە چوار بەشاو کوردستانینە، وەڵاتاو ئەورووپای و جیهانۊ کۊنفڕانسەکەنە بەشڎارێنۍ و قەرارا دووۍ ڕوۍ درێژە کێشۊ.

کۊنفڕانسەکە بە دەیەقێوە ڕێزگێرتەی لە گیانبەختکەرڎاو ڕاو ئازاڎیی کوردستانی و سروودەی نەتەوەییەو ئەی ڕەقیب-ی دەسش پەنەکریا.

دماتەر واچەو خێرامای و کەرڎەیۊ کۊنفڕاسی جە ڕاو هامسەرۊکاو کۊنگرەی نەتەوەیی کوردستانی ئەحمەد قەرەموس و زەینەب مورادێوە پێشکەش کریا و دلێشنە باسوو ئامانجوو بەستەی کۊنفڕانسەکەی کریا و ئەرەیاونیا.

دماتەر شارەوانوو لۊزانی واچێوەش پێشکەشە کەرڎەو واتش: هومێد وازوو کە پێسە شارەوانییەکەیشا و وەڵاتەکەیشا سویسرا، لاپەلێوە تازە چەنی گەلوو کوردستانی وربداوە. 

ئینۍ چندین واچۍ تەرۍ پێشکەشۍ کریۍ و ئەرەیاونیا:  ڕۊکاو شەممەی  و یەکشەممەی و جە ١٠٠ ساڵەو پەیمانەو لۊزانینە، شاروو لۊزانینە کوۍ بیمێوە.  ئەنجاموو ئا پەیمانۍ و کاریگەرییەکاش سەروو کوردستانیوە ورسەنگنمۍ و هەڵوێستوو وێما بەروزمۍ. 

تەماموو باسەکاو کۊنفراسی سەروو پەیمانەو لۊزانین و ئەنجامە نەرێنییەکاش جە کوردستاننە. ١٠٠ ساڵۍ چیوەڵتەر لۊزاننە کۊنفرانسێوە بەسیا و قەراروو چارەنویسوو گەلوو کوردستانی  دریا. بەبۍ پەرسوڕاو ئێمە وەڵاتەکەما پارچەپارچەشا کەرد و حسابسا پەی ئێمە نەکرد. ئێمە گەرەکمانە جە ١٠٠ ساڵەو ئا پەیمانە شوومێنە، هەڵوێستێوە کوردستانیی برمانمۍ و ناڕەزایەتیی وێما وەراوەروو ڕێکوزا و قەرارڎەراو ئا پەیماننامەیە نیشانە دەیمۍ و دەنگوو وێما بیاونمۍ ڕای گرڎینەو جیهانی. 

 ڕۊو ٢٤وو ٧، یانۍ ئا ڕووە کە پەیمانەکێش چەنە ئیمزا کریا، وەرڎەموو هەمان ئا هۊڵەینە، کە دایوسانایەکەش چەنە کریا، جە کۊوەبیەێوە جەماوەریی وەرفراواننە ئەنجامنامەو کۊنفڕانسەکەی پەی ڕای گرڎینۍ ئەرەیاونمۍ.

 

کۊمیتەو ئاماڎەکاریی کۊنفڕانسوو ١٠٠ ساڵەو لۊزانی هەرماننامەو کۊنفڕانسەکەیشا پێسە ئەرەیاونان:

ڕۊی یوەم، شەممە، 2023.07.22

سەعات

10.10 – 10.30 سینەڤزیۊن

10.30 – 13.00 پەیاموو بەشڎاربییا تا سەعات 16.30 

پانێلی 1 / 16.45 – 19.00

 

ئەنجامەکاو پەیماننامەو لۊزانی کوردستاننە. 

 

1. سوهەیلا قادری، تاریخنویسە، بواروو پەیوەندیی میاندەوڵەتی.

2. پڕۊفیسۊر نەرمین محەمەد ئەمین عەلییە. تاریخنویسە و شۊنەوارشناسە.

3. د. عبدالاله ئەلمستەفا، هامسەرۊکوو کۊمیتەو تەنسیقیی زانکۊکاو سەرنیشتی و وەرکەوتوو سووریای.

4. محەمەد بەیرەق، نویسەر و کۊڵیار. 

پرسیارۍ و قسەوباس

ڕۊۍ دووەم، یەکشەممە، 2023.07.23

پانێلەی 2/

09.00 – 11.00

بارودۊخوو ژەنا و کۊشیایی ژەنا

PHD 1. مننەوەر عەزیزئۊغڵو،

2. نەرمین عوسمانە، وەزیرەی وەڵینەو هەرمانوکاروو ژەنا

پانێلەو 2ب

10.00 – 11.00

بارودۊخوو گەلای تەروو کوردستانی

3. ئایدی ئاسڵان، نویسەر و کۊڵیار

MA Education4. نایری نورەدین، 

پرسیارۍ و قسەوباس

11.00 – 11.15 سەیایۊ

پانێلەو یەرەمی

11.15 – 13.15

100 ساڵۍ کۊشیای وەراوەروو پەیماننامەو لۊزانینە

1. پرۊفیسۊر نایف ڕەزوان. کۊلێژوو یاسۍ، زانکۊو ڤیەننای

 . Jagiellonian2. د. ئازاڎ حاجی ئاغایی. کۊڵیار، زانکۊو پۊڵۊنیای 

3- ئارێز عەبدوڵڵا، نویسەر

4. د. هەڤاڵ ئەبوبەکر، نویسەر

پرسیارۍ و قسەوباس

 

ئەنجامنامە

14.30 – 16.00 قەرارۍ و ئەرەسپارایەکاو کۊنفرانسی

16.00 – 16.45 قسەوباس سەروو قەرار و ئەرەسپارایەکا

17.00 دماینە.

دماتەر قەرارا سەعات ١ی نیمەڕۊو ئارۊ شەممەی، ڕاپیماێوە دەیان هەزار کەسی  کریۊ، کە جە وەرڎەموو کۊمەڵەی کوردیی شاروو لۊزانیوە دەس پەنە کەرۊ و تا ئا یاگۍ درێژەش بۊ، کە ١٠٠ ساڵۍ چێوەڵتەر پەیماننامەی شووموو لۊزانیش چەنە ئیمزا کریا.

س.ز