کۆنگرەو گەلی ئامای ساڵەی تازێش جە گەلا موبارەک کەردە، پەی ئازادی ڕابەر ئاپۆی بانگەوازش پەی وەرفراوان کەردەو ئەرەکۆشای کەرد و ئەرەیاوناش، "پارێزناو وەرنیشتی ئەرکو سەرەکی گەلی و دۆسامانە کە گرد یاگێ جەهانینە جە ساڵەو ٢٠٢٥ینە ئینەیە ئەنجام بڎانە."
دیوانو هامسەرۆکایەتی کۆنگرەو گەلی بە بۆنەو ساڵێ تازێوە ئەرەیاونێوەش وەڵاکەردۆ و دلێشەنە ئەرەیاونانش: "موبارەک بای ساڵەو تازێ جە ڕابە ئاپۆی، هەڤاڵێما جە کەش، زینان و مەیانەکاو ئەرەکۆشای، جە گەلەکەیما جە چبەر و دلێ وڵاتینە دۆساما کەرمێ. جە ساڵەو تازێ ئەرەکۆشاینە هیواو سەرکەوتەیشا پەی وازمێ."
بەردەوامی ئەرەیاوناکەی پی جۆرەنە:
"جە مانگەو ئۆکتۆبەرینە دماو ٤٤ مانگا ئا سڵام و زانیاریێ جە رابەر ئاپۆیۆ هۆرماگێردێ، بیی بە پەیام و سڵامێوە بەقیمەتو ساڵەو ٢٠٢٤ ئەرەکۆشای ئازادی، گەل و دۆساما هۆرشاگێرت.
ئاستو سەرکەوتەیو و ئیرادەو چالاکییە فیدایەکەو ٢٣ی ئۆکتۆبەری جە ئەنقەرەنە کە جە لایەن هامڕایا فیداییما ئاسیا عەلی و ڕۆژگەر هێلین-ەوە دژو مییانو توساش ئەنجام دریا، جە گرد ڕوێوە ڕژێمو فاشیستیش شڵەقنا. جە کەسێتی هامڕەیامانە عەلی و ڕۆژگەر هێلین-ەکە فیداو ڕابەر ئاپۆی بێنێ، گرڏو گەشمەرڏا ساڵەو ٢٠٢٤ما بە ڕێز و پنەزانایۆ یاڏ کەرمێوە و قەولو شایستەبیەیشا واوەی مکەرمێوە.
'ڕووەدایێ گرنگێ ڕووەمڎا، دەسکەوتەکێ بەدەسئامێنێ'
ساڵەو ٢٠٢٤ بە گردی جە ڕووەو ئەرەکۆشای ئازادی و گەلەکەیماوە بییەن بە ساڵێوە جە وەڵکەوتەی گرنگ و دەستکەوتەکا. گەریلا جە مەیانەکاو وێشەنە بە سەرکەوتەی فرە گۆرە ساڵەو ٢٠٢٤یش دەسپنەکەرد و گرڏو ساڵەکێ بەردەوام بێ. ویرکەردەیۆ و ئامانجو دۆڵەتی دلێنەبریا پانەی بە تەکنیک دەرنجام هۆرگیریۆنە.
جەنگێ کە حکومەتو ئاکەپە-مەهەپە جە دژو گەلو کوردی بەردەنش راوە مەڵامەتو قەیرانی قورسو ئابووریی و هۆرشنایۆ گۆرە جە مەیانو سیاسی و کۆمەڵایەتیینە. جە دەرنجامو ئینیشانە دماو ٢٢ ساڵا دەسەڵاتداری ئاکەپەی جە هۆرچنیاکا ئیساڵینە بیی بە پارتی دووەم. پۆکەی ساڵەو ٢٠٢٤ جە گرڏ ڕوێوە بیی بە ساڵێوە قورس پەی حکومەتەکەو ئاکەپە و مەهەپەی.
هەڵمەتەو 'ئازادی پەی ئۆجالانی، چارەسەری پەی پرسو کوردی' کە بە سەرمەشقایەتی دۆساما لواڕاوە جە ساڵەو ٢٠٢٤نە جە ئاستو مییاننەتەوەیینە ڕۆژەڤو خوڵقنای و وەڵکەوتێ گرنگص چنی وێش ئارد. پێسەو دەرنجامو ئی هەڵمەتێ، کۆمیتەو وەزیرانی ئەنجومەنو کۆنسەو ئەورووپای بابەتو 'مافو هیوا'ی پەیوەس بە ڕابەر ئاپۆیۆ وست ڕۆژەڤو وێشۆ و ساڵێوە کاتش دا بە تورکیا پەی ئانەی کە پێویس کەرۆ کەرۆنەش.
دۆڵەتو تورکی کە ویتش ئانەن ئەرەکۆشاو ئازادی کوردەسانی دلێنەبەرۆ، پلان مجییایرەکێ ٢٠١٤-٢٠٢٤ گرد تێکێشیێ. حکومەتو ئاکەپە-مەهەپە کە پلانە دلینەبەردەکێش سەرنەکەووتێ، پلانێوە تازێش متەرە بە چەقبەسەی سیاسی وێش کە هۆرجنیاکانە بەرکەوت. پەی بێکاریگەرکەردەی ئۆپۆزسیۆنی و بەروستەو ڕۆژەڤی پەنەوازیش بە هەنگامێوە خێرای بێ. سڵامەکەو باخچەلیو دەم پارتی قەولەکا پەیوەس بە ڕابەر ئاپۆی جە چوارچێوەو ئی پلانێنە ئەنجامدریا. ئامانجو ئی پلانێ کە حیچ نیازێوە چارەسەریش چنە نیا، پەی ئانەی مەیانو دلینەو ڕۆژەڤی کۆنترۆڵ کەرۆ، ڕاو گرڏی کوردی وسۆ دلێ چەمەڕایۆ و لاوازش کەرۆ، چبەریش جە پڕۆسەو هۆرشانایۆ ڕژێمو ئەسەدینە پەی هرووژمکەرڏەی سەرو وەرنیشتی بی. بەڵام بی پلانێ نە دلێنەو نە جە وەرنیشتەنە نمەتاواش ئا ئامانجەیی گەرەکش بێ بەدەسش بارۆنە.
ڕووەدایەکێ سووریای
ڕووەدایۍ گرنگ کە مۆرەو وێش جە ساڵەو ٢٠٢٤دا جەنگو بەینو ئیسرائیلی-حەماس-ئێرانی و سووریای بێ کە کاریگەریش سەرو تەمامو هەرێمەکەی نیارە.، ئەنجامو هرووژمە قورسەکا ئیسرائیلی و ئێرانی و حیزبوڵای ناچارێ بیێ هێزەکاشا جە سووریانە کێشاوە و بە کیشیایۆ ڕووسیای جە ماوێوە کوڵەنە ڕژێمو ئەسەدی وڕا. وەرو ئانەی هێزەکێ ئەسەدی حەجگیز جەنگشا نەکەردەبێ، پۆکەی هامشێوەو ڕادەسکەردەی حکومەتش ڕادەس کەرد، ئینەیچ نیشانشدا هۆرئامای ئەسەدی سووریانە جە چوارچێوەو ڕیککەوتەو بەینو زلهێزەکانە بێ.
هەڵای رۆشن نییا کە سیستەمو سووریای چنین بۆنە، گلێرگەو سووریای جە چنین شناسنامەی جیاواز پێکمێ بە چ جۆرێ پێوەرە بژیومێ. بەڵێ سیستەمو گلێرگەو دیموکراتیکی فرەچەشنی پەشتی بەسۆنە بە ئازادی ژەنی کە شۆڕشو وەرنیشتش خوڵقنا، ڕا نیشاندەرا پەی گەلی و فرە بڕوای سووریای. چارەسەریی جە سووریانە سەرو بناغەو نەتەوەو دیموکراتیکی پەشتبەستەی بە یۆبییەی دیموکراتیکی گەل و بڕواکا، بە هەمان جۆر پەی چارەسەرو پرسەکا وەرنیشتوو دلێڕاسەی بۆ بە نموونە.
بێگومان وەربەسێ هەرە گۆرە وەڵی چارەسەرییی جی جۆرەی ڕژێمو دۆڵەتو تورکی فاشیستین. جە ڕاو ئیدارەو تازەی جە دیمەشقەنە پەی ئانەی تاوۆنە دووژمنایەتی کوردی کەرۆ چێشش جەدەسەنە بێ کەرۆش.
بەڵێ ئا حەقیقەتە پەنەوازا زانیۆنە ئانەن؛ سیستەمو ئیدارەو وێڕاوەبەری سەرنیشتوو وەرکەوتوو سووریای هەم پەی سووریای و هەمیچ پەی تەمامو هەرێمەکەی دەستەکەوتێوە گۆرەن کە ڕاو دیموکراسی و ئاشتی نیشانە مرۆ.
'پارێزناو وەرنیشتی ئەرکو ئەساسی گردین'
بی مەڵامەتەی جەوەراوەرو هەڕەشە قورسەکی وەرپرسا دۆڵەتو تورکی سەرو وەرنیشتی، جە لایەن و چنین وڵاتا جەهانی و ڕای گردیۆ هەڵوێس پەی پارێزناو وەرنیستی نیشانەدریان.
شۆڕشو وەرنیشتی دەستکەوتو هامبەشو گەلو کوردی و دۆسەکاشا. شۆڕشو وەرنیشتی سیستەمێوە کۆمەڵایەتی دیموکراتیکا کە نیشاندەرو هۆرشانایۆ سیستەمو دۆڵەت نەتەوەی فاشیستی تاکپەرستا.
پی مەڵامەتۆ جە وەرا وەرو هرووژمەکا دۆڵەتو تورکینە کە سەرو شۆڕشو وەرنیشتی ئینا زیابییەینە، پارێزناو وەرنیشتی ساڵەو ٢٠٢٥ینە ئەرکو ئەساسی گەلو کوردی و دۆسامانە جە هەر یاگێ جەهانینە.
وەروئینەی پەی پارێزنای و هەمیشەیکەردەی شۆڕشو وەرنیشتی یا ئەرەکۆشای کە ساڵەو ٢٠٢٥ینە بەرمێش ڕاوە، هامکات بۆ بە سەرکەووتەی هەڵمەتەو 'ئازادی پەی ئۆجالانی، چارەسەری پەی پرسو کوردی'.
سەرو ئی بنەمایۍ جارێوەتەر ساڵەی تازێ جە دۆساما و گەلیما موبارەک مکەرمێ، سەرو بناغەو ئامانجو سەرکەوتەی ساڵەو ٢٠٢٥ی ئەرەکۆشاینە داواما سەرکۆتەین و ماچمێنە، ساڵەو ٢٠٢٥ بە ئازادی تاجدار بۆنە."
