دیوانو هامسەرۆکایەتی کۆنگرەو-گەلی ساڵیاڏ و گەشمەرڏەبییە و یاگەگیرەو  هامسەرۆکا کۆنگرەو-گەلی، گەشمەرڏە ڕاپەرین ئامەدینە ئەرەیاونێوە نوویسیاش وەڵاکەردۆ و جە کەسێتی ئاڎێنە یاڏ و گرڏ و گەشمەرڏا ڕا و ڕزگاریش کەردۆ.

ئەرەیاوناکە و کۆنگرەو-گەلینە ماچۆنە: "جە یەرەمینە ساڵیاڏو  گەشمەرڏەبییەیشەنە بەڕێز و پنەزانایۆ یاڏ و یاگەگیرو  هامسەرۆکا کۆنگرەە-گەلی هەڤاڵ ڕاپەرین ئامەدی مکەرمێوە  کە جە ١٧ـو حوزەیرانو ٢٠٢٢نە جە هرووژم و ئاسمانی دۆڵەتو تورکینە گەشمەرڏە بی."

کۆنگرەو-گەلی ئاماژەش بە هەوڵ و ڕەنجەکا گەشمەرڏە ڕاپەرینی کەردۆ جە بنیادنیا و سیستەمو کۆمەڵایەتینە و ماچۆنە: "هەڤاڵ ڕاپەرین بە تایبەت جە بەڕێکوزتەی ئەنجوومەن و کۆمۆنیا، هەرپاسە جە پەرەوەردەکەردەینە ڕەنجێوە گۆرەش دان. نەبییە و ئاری چی پرۆسەنە جە دەسدایێ گۆرە بێ پەیما.

پەی سەر وستە و ئامانجەکا هەڤاڵ ڕاپەرینی و گرڏ و گەشمەرڏاما، بە دڵنیانییۆ پەنەوازا بنیادنیا و گلێرگەی پێکبێنە کە هەرمانە و ستراتیژ و بنەڕەتی ئی پرۆسەینە. تاکە ڕێوە جواب و بانگەوازو سەدەو ڕابەر ئاپۆییش پنەدریۆوە، سەر وستە و بنیادنیاو  گلێرگەو دیموکراتیکیا و جە گرڏ مێڏانێوەنە کەرمێش بە بنەماو وێما."

جە درێژەنە کۆنگرە-گەلی سەرنجش وستەن سەر و پەنەوازی ئازادی جەستەیی ڕابەر ئاپۆی و ئامان: "هەولومەرجەکێ نیشاندەرو ئانەین کاتو ئازادی جەسەیی ڕابەر ئاپۆی ئامان. بە تایبەتی ئانەی پەرە بە پرۆسەو ئاشتی و ئازادی مرۆنە، خەباتو ئەنجامدای و ڕەخسنا و ئا هەلومەرجانە کە پەنەوازی بە سەرمەشقایەتی ئێمە و دۆساما بریۆڕاوە. بییەی بە وەڵامگۆو گەشمەرڏاما هەر ئینەن."

کۆنگرەو-گەلی جە دماین و ئەرەیاوناکەینە ماچۆنە: "سەر و ئی بنەمێ جە کەسێتی هەڤاڵ ڕاپەرینو بنیاتنەر و کۆمەڵایەتیینە، جارێوە تەر گرڏ و گەشمەرڏاما بەڕێزۆ یاڎ مکەرمێوە و قەولو دڵۆسۆزبییەیما بە یاڏ کەردەوەیشا مڎەیمێ."