هیزی دەوڵەتی ئەرەگیروو تورکی بە فڕۆکەی بێفڕۆکەوان سەروو ڕاو خەلەکان-کانی وەتمانیوە سنوورو پارێزگاو سلێمانیینە سەیارێوەش کەرد ئامانج، کو یەرێ هاموەڵاتێ گەشمەردێ بیێ، ئارۆیچ بە هەمان شێوە، سنوروو شارەکڵەو چوارتاو سلێمانیینە سەیارێوە تەر کریا ئامانج و یەرێ هاموەڵاتێ تەرێ گەشمەردێ بیێ.

کۆنگرەی نەتەوەیی کوردستانی (کەنەکە)، بە ئەرەیاوناێوە نویسیا گەشمەردەکەردەی هاموەڵاتەکاش شەرمەزار کەرد و واتش:" بەئامانجگێرتەی خەڵکی مەدەنی لاو هێزەکاو دەوڵەەتی ئەرەگیروو تورکیوە، بییەن بە دیاردە و حەر ڕوێوە و کەسێوە جە هاموەڵات و ڕۆنامەنویسا بەئامانج مگێرا، ئێمە جە کۆنگرەو نەتەوەیی کوردسانی، جگە جە پەرسەو سەرەوەشییما پەی کەسوکاروو ئا پۆلە گەشمەردا، هامخەمیی پەی کەسوکاریشا بەرموزمێ و فرە تند ئا تاوانەیە شەرمەزار مکەرمێ".

کەنەکە ماچۆیچ: "داواکارێنمێ وەنەو لایەنە پەیوەندیدارەکا و هێز و لایەنە سیاسییەکاو کوردسانی و ڕای گردینی و خەڵکی بەهەڵوێستوو کوردسانی و عێراقی ئاستوو ئا تاوانە نائینسانانەینە هەڵوێستشا بۆ، تا بە گرد لاێوە بتاومێ سنوورێوە پەی ئا سیاسەتە دوژمنکاراناو دەوڵەتو تورکی بنیەیمێرە،کە تەرسینێ سەروو ژیوای و ئازادیی خەڵکوو کوردسانی و مەنتێقەکەی، ئێمە جە ونی بەناهەقمجیێبوردومانەکاو مەنتێقەو خەلەکانی و چوارتای بێدەنگێ نمەبیمێ و ڕوسیاوی و شەرمەزاری پەی دوژمنا و ئەرەگیرا و دوژمنا و نۆکەرا."