جە دمای چەنڎەها ساڵان مانیای و کۆشای کتێبو «داریان»ی نە نۋیستەی داریانی پی زوویە چاپ بکریۆنە جە نۋیستەی فەتحوڵڵا ڕەزایی(داریانی) بە ئی زوویە چاپ بکریۆن و کتێبخانەو هەورامانیش پە دەوڵەمەند ببۆنە.

ئەژناسنای کتێبەکەی:
نامێ: «داریان» بە زوانی هەورامی، ٤۰۷ لاپەلێ.
نویسەر: فەتحوڵڵا ڕەزایی(داریانی)
باس و بابەتێ: تارێخ و جوغرافیا، فەرهەنگ و ئەدەب، واتێ و واچێ تایبەتێ، هەرمان و کاروو خەڵکی، ڕا و ڕەسموو ژیوای، هۆبە و هەوار، پەرس و جۆ جە خەڵکی، ویرەوەریێ و...

ڕاسا ئی کتێبە تایبەتا بە دەگاو داریانی، بەڵام هەرپاسە مزانمێ ژیوای گردوو شاری و دەگایەکاو هەورامانی پێسەو یۆی بیەن و پی بۆنەوە متاوو واچوو ئی کتێبە فرەو بەشەکاش و باس و بابەتەکێش تایبەت بە گردوو هەورامانیەنێ و چی کتێبەنە هەزاران واتێ و واچێ و کەلیمێ تایبەتێ و ڕەسەنێ هەورامانی و زوانی هەورامی زیننێ کریاینێوە و پارێزیاینێ، ئینە گەورەتەرین خزمەتا بە فەرهەنگوو وەڵاتەکەیما، ئومێدٚم هەن قازانجش بۆ پەی هەورامانی سەربەرزی. 
محەمەد کەریمی
سەرچەمە: سەلام پاوە