کتێبوو ”حەکایەتوو دڵی” بەرهەمی تازەو (قەیۆم دانشوەر)ی ئاما بازار
کتێبوو ”حەکایەتوو دڵی” بەرهەمی تازەو نویسەر قەیۆم دانشوەر)ی ئاما بازار کە ویرەوەریەکێ نویسەرێ جەوێش مەگێرۆن و کتێبخانەی هەورامیش پنە دەوڵەمەنڎ کریا.
کتێبوو ” حەکایەتوو دڵی” بەرهەمی تازەو قەیۆم دانشوەر-ی جه لاو ئێنتشاراتوو زایەڵەی چاپ بی و ئاما بازاروو کتێبی.
بە پاو هەواڵوو پەلیانەو (پاوە پرێس)ی، باسوو ئی کتێبیە ویرەوەریەکێ نویسەر قەیۆم دانشوەریەنێ جە قاڵبوو یه‌رێ کسمان(شغل) کاروان که‌ردٚه‌ی، وردٚه‌واڵه‌وره‌ته‌ی و شێرکه‌ت لوای جه هه‌ورامانه‌نه.
نویسەر چی کتێبەنە گۆشێو جه تارێخوو هه‌ورامانیش جه قاڵبوو ویره‌وه‌ریه‌کاش ئاردٚه‌نش سه‌روو کاغه‌زی.
ئی کتێبه ئه‌رزشوو ئانه‌یش هه‌ن چننەها که‌ڕه‌تێ بوانیۆوه و جه به‌سه‌رئامایه‌کاش که به ئه‌ده‌بیاتێوی تایبەت و فره جوانخاس باس کریاینێ، له‌زه‌ت به‌رۆ.
کتێبوو حەکایەتوو دڵی بە هەزینەو سنۆقوو پاڵپەشتی جە نویسەراو هەورامانی (واران) و به قیمەتوو ۲۵ هەزار تمەنێ چاپ بیەن.
پاوە پرێس وازیارەن، جە فه‌ره‌نگ دوساو هه‌ورامانی پەی پاڵپەشتی جه نویسەری و سنۆقوو (واران)ی و پەی ڕەواجوو نەسری پاراوی هەورامی ئی کتێبیە بسانانە کە کتێب ورەشیەکێ شارێ و شارچەکێ هەورامانی و کوردستانیەنە هەن.
