کتێبێوی گرنگ سەبارەت بە شەهیدی سەرکەردە (دیار غه‌ریب)ی چاپ کریا
پەڕتوکو (دیار غه‌ریب مانیفێستۆی كه‌سێتی ئازاد و شۆڕشگێڕی كوردستان) چاپ کریا و بڕیارەن جە کەرنەڤاڵ و پیرۆزبایی نەورۆزو (قەندیل)یەنە وەڵاو بکریۆنەوە.
جە بەرەجەژنانو نەورۆزیەنە مژدەو چاپ بییەی پەڕکێوی گرنگی دریا. ئاشکرا بی کە پەڕتوکو (دیار غه‌ریب مانیفێستۆی كه‌سێتی ئازاد و شۆڕشگێڕی كوردستان) چاپ کریان.
جە ئی بارەوە حەسەن جودی نویسەر و کۆکار و ئامادەکارو پەڕتوکەکەی بە ئاژانسەکەیمان فوڕات نیوز (ANF)ی وات:
پەڕتوکەکە ٥ بەرگێن و ژیوانامە، وتارێ، دیدارێ و چەمپنەکەوتێ، شەهیدی پێشەنگ دیار غه‌ریب ئەشناسیا بە (هەڵمەت)ی جەوێش مەگێرۆنە.
جودی ئاشکراش کەرد: بڕیارشاندان تا جە کەرنەڤاڵ و پیرۆزبایی نەورۆزو قەندیلیەنە جە ٢١ ئی مانگۍ پێسەو جەژنانەی پەڕتوکەکەی وەڵاو بکەرانێوە.
هەرپاسە حەسەن جودی سپاسگوزاری وێش پەی سەرجەم ئا کەسا نیشانەدا کە جە نویستەی، کۆکەردەی، ئامادەکەردەی، چاپ و وەڵاوکەردی پەڕتوکەکەیەنە هامکارێش بیێنێ.
یاگۍ یادئاوەرین، جە ۲۰۱۹/۰۷/۰٥ی جە قەندیل، دیار غەریب ئەشناسیا بە هەڵمەت ئەندام جە کۆنسەو گردیی سەرۆکایەتیی کۆما جڤاکێن کوردستان (کەجەکە-KCK)ی و دووێ گەریلایێ هامڕێش بە نامەکێ شاهین و دەڤرانی بە بۆردومانو باڵەپڕە جەنگییەکێ تورکیای ئەرەگێرەری شەهیدێ کریێ بێنێ.
شەهید هەڵمەت هامتەریب چەنی خەبات و کۆشای ئازادی نویسەر و پەیجۆرکاریوی گەورەر بێ و بە تایبەتی دلێ دێرینە و مێژوو کوردییەنە قاڵ بییەبێوە و جە ئی چوارچوەنە چەندین وتارێش نویستێنێ و چەندین سیمینارێ و کۆڕێ و کۆمبیێش ڕێکێوستێنێ. هام کات چەندین کتێبێ و کتێچێش نویستێ کە گرنگتەرینێشان ئی کتێبێ و کتێبچێنێ:
خوێندنەوەیەکی نوێ بۆ مێژووی کوردستان
کورتە مێژوویەکی ئێراق و باشوری کوردستان
خۆبەڕێوەبەری دیمۆکراتیی
مانیفسۆی گەنجانی باشوری کوردستان
قەیرانی سیستەم و پرسی پێشەنگایەتیی لە باشوری کوردستاندا
هەڵوەستەیەک لە سەر ئایین و باوەڕمەندیی
شەهید هەڵمەت چارەکە سەدێۋە دلێ خەبات و کۆشایی ئازادی (پەکەکە-PKK)یەنە جاگەش گێرتەبێ و کارا پەی یەکێتی نەتەوەیی و ئازادی و مافەکێ کوردی و گەلە بندەستەکان کۆشیا و سەرو بنەما خەتەو ئاپۆیی پەی یاوای ئازادی و حەقیقەتی ڕەنجی فرەش دا و دەرەنجام هەر ئا ڕاگانە گیان و جستەش بەخشا و جاویدانی و نەمریش بەدەستوت.
کەجەکە، پەکەکە، هەپەگە و ڕێکوزیاکێ تەرێ سەر بە جەمیەرو ئازادی، ئا هێرشە کە دژ بە شەهید هەڵمەت-ی و هامڕاکانش ئەنجام دریا، بە هێرش دژ بە ڕێبەرایەتی و یەکێتی نەتەوەیی کوردی و زیانی گەورە پەی دۆزەو کوردی جە قەڵەمشان دابێ و ستاییش و سپاسگوزاری وێشان پەی ئا سەرکەردە و هامڕاو ئازادییەشان وستەبێ ڕووە.
