بەپاو زانیارییەکا، ڕوودایەکە دمانیمەڕۆو ئارۆی گەڕەکەو سەرچناروو شاروو کەرکوکینە بییەن، شایەتحاڵەکێ باسوو ئانەیە کەرا، دووێ کەسێ ماتۆڕسوارێ کە چوڕچەمشا پۆشتەبێ، تەقەشا چا ژەنە چالاکێ کەردەن و گەشمەردێ بیێنە.

حەر بەپاو زانیارییەکا، تیرۆریستەکێ هەشت گوللـێشا وەنەو ژنە چالاکەکێ دێنێ و دەمودەس گەشمەردێ بیێنە.

دماو ڕوودایەکەی تاوانبارەکێ یاگەکێنە نەمەنێنێ و هەڵای نەگیریێنێ.

حەر بەپاو زانیارییەکا، ئا ژەنە چالاکە سیاسییە بیێنە و وچیۆ خەڵکوو وەرنیشتوو کوردستانینە، ماوەی ویەردەنە پەی سەردای ڕێكوزیایەکاو ژەنا، ئامێبێ پانیشتوو کوردستانی.  

دماو ڕووەدایەکەیچ جەنازەکەش یاونیان پزیشکوو دادوو کەرکووکی.

پۆلیسوو کەرکوکیچ واتش، پەڕاوو ئەوەکۆڵیای پەی ڕووەدایەکەی کریانۆ و بەپاو فەرمانەو دادوەرییچ قەراروو گێرتەیش پەی تاوانبارا بەرکریان.