سوپاو تورکی بە چەکی کیمیاویی و تەقەمەنی هرووژم مکەرۆ سەرو گەریلای، جە کاتێنە گەریلا ئایێربەسش ئەرەیاۋنان. کورداو سویسرای دژو هرووژمەکا سوپاو تورکی بانگەوازی دەمودەسیشا کەرڎ و ئارۆ مجیارە مېڎانەکا.
کۆنسەو دیموکراتیکی کوردا سویسرای (جەدەکە_سە) و یۊبیەی ژەنا کوردۍ سویسرای (یەژەکە_سە)، بانگەوازشا جە گەلو کوردی و هێزە دیموکراسییەکا کەرد، دژو هرووژمەکا دۊڵەتو تورکی کە یاسا مېیاننەتەوەییەکا و یاساکا جەنگی پاشێل مکەرا، مجیارە مېڎانەکا، جەختکریانۆ کە پەی ئی مەبەسیە جە چڼین شارا سویسراینە چالاکیی هامکات ئەنجام مڎریۆ.
جە ئەرەیاۋناکەینە ئامان: "ئی هرووژمە تەنیا ئۆپەراسیۆنی سەروازیی نییا، بەڵکم هامکات پەیامێوە سیاسیی هۊرگېرۆ. پی هەنگامۍ دۊڵەتو تورکی ئەرەیاۋنۆش کە لایەنگرو جەنگین نەوەک ئاشتی".
چنەشەنە ناڕەزایی بەربڕا ۋەرا ۋەر بە بێدەنگیی هێزە مېیاننەتەوەییەکا، ماچۆ: "ۋەرو ئانەی تاوانەکۍ جەنگی پېسە بەکارئاوردەی چەکی کیماویی سزا هۊرنمەگێرا، تاوانەکۍ جەنگی بەردەوامېنۍ".
هەرپاسە داوا جە گەلی مکەرا، بەشدارۍ با چا چالاکییانە کە ئی وێرەگا جە چن شارێوە سویسراینە ئەنجام مڎریا، ماچۆ: "ئی هرووژمۍ تەنیا پەی سەرو گەلو کوردی نییەنۍ، بەڵکم هەڕەشێنۍ پەی سەرو هیواو ئاشتیی هەرێمەکەی و ئیرادەو پېوەرە ژیۋای گەلا".
جە ئەرەیاۋناکەینە ئاماژە پانەی کریان، گەلو کوردی و تەڤگەرو ئازادیی جوابو "بانگەوازو ئاشتی و گلېرگەو دیموکراتیک"ـی ڕابەر ئاپۆیشا دانۆ، هەڵوێسشا پەی چارەسەری نیشانە دان بەڵام ئاکەپە و حکومەتەکەش سەرەمڕە هرووژم مکەرا سەرو هەرێمەکا پارېزنای مەدیای، ماچۆ: "ئەرەیاۋناو ئارۊو هەپەگە_نەڕەچەی ئاشکراش کەرڎ کە سوپاو تورکی بە چەکی قورس و ئامرازی سەروازیی، جە ئاسمان و زەمینۆ بەردەواما جە هرووژمەکاش. داوا جە گەلو کوردی و دۆسەکاشا و بەتایبەت ژەنا مکەرمۍ، دژو ئی هرووژما، پەی ئاشتی و دیموکراسیی کۊشش بکەرا و بەشداریی چالاکییەکا بکەرا".
شۊنەما و کاتو چالاکییەکا:
ژنێڤ
سەعات: ١٦:٤٥
شۊنەما: ۋەردەمو پۆستەخانەی گۊرەی (Rue du Mont Blanc)
*
وینتەرتور
سەعات: ١٨:٠٠
شۊنەم: Bahnhofplatz
*
بێرن
سەعات: ١٩:٠٠
شۊنەما: Bahnhofplatz
*
لۆزان
سەعات: ١٨:٣٠
شۊنەما: ۋەردەمو وێستگەو قیتاری
*
زیوریخ
سەعات: ١٩:٠٠
شۊنەما: Hauptbahnhof
*
سۆلۆزەرن
سەعات: ١٦:٠٠
شۊنەما: Bahnhofplatz
*
بازل
سەعات: ١٩:٠٠
شۊنەما: SBB Bahnhof
