هرووژم و تاوانە دژە مرۆڤایەتییەکا دۆڵەتو تورکی بە پاڵپەشتی چەتەکا سەرو ۋەرکۊتوو مېیامینی و جەهانی بېیەن بە هەڕەشێوە گۆرۍ، پەی شەرمەزارکەردەی ئا هرووژما جە چڼین شارۍ ئۆروپاینە کوردەسانیا و دۆسەکێشا جە دژو ئەرەگیری مجېێرە مېڎانەکا.
کوردەسانیا و دۆسەکێشا جە شارەکا ئۆروپاینە جە دژو گۆشەگیری و هرووژمە ئەرەگیریەکا دۆڵەتو تورکی مجېێرە مېڎانەکا. بە چڼین چالاکیۍ ئا هرووژمێشا شەرمەزارۍ کەردۍ و داواشا ۋنەو گرڎ لێوە کەرد بە ئیراڎۆ هەڵوێس هۆرگێرا.
جە چالاکییەکانە بە بەردەوامی درووشمەکاو "نەخێر پەی گۆشەگیری"، "بژیۋۆ مڎرامانوو ۋەرنیشتی" و "ژەنی ژیۋای ئازادی" وچیێوە و پەیامو 'بەردەوام بیەی سەرو مڎرامانی، پاڵپەشتیکەردەی ۋەرنیشتیا دریا.
ئێڤری
کوردەسانیا و دۆسەکێشا بە سەرمەشقایەتی ئەنجومەنو گەلوو دیموکراتیکی ئێڤریی، جە گەڕەکەو ئێڤری شارو پاریسی مجېێرە مېڎانەکا.
گریگنی
جە گەڕەکەو گریگنی شارو پاریسو پایتەختو فەرەنسای، کوردەسانیا و دۆسەکێشا بە سەرمەشقایەتی تەڤگەرو جوانا شۆڕشگێڵنی، مجېێرە مېڎانەکا و هرووژمە ئەرەگیریەکا سەرو ۋەرنیشتیشا شەرمەزارۍ کەردۍ.
گیسن
کوردەسانیا و دۆسەکێشا جە شارو گیسنی ئەڵمانیاینە گلێرۍ بیێوە و هرووژمەکۍ سەرو ۋەرنیشتیشا شەرمەزارۍ کەردۍ.
ستۆکۆڵم
جە ستۆکۆڵمو پایتەختو وڵاتو سویدی، کوردەسانیا و دۆسەکێشا جە مېڎانوو سێرگێڵسی تورگینە گلێرۍ بیێوە و ئەرەگیری و کۆمکوژییەکۍ دۆڵەتو تورکی و چەتەکاش پەی سەرو ۋەرنیشتی شەرمەزارۍ کەردۍ.
برێمەن
کوردەسانیا و دۆسەکێشا جە شارو برێمەنی ئەڵمانیاینە گلېرێبیێوە و هرووژمەکۍ سەرو ۋەرنیشتیشا شەرمەزارۍ کەردۍ.
کیل
شارو کیلی ئەڵمانیاینە بە سەرمەشقایەتی ئەنجومەنو دیموکراتیکی گەلی چالاکی ئەنجامدریا و چنەشەنە ئاماژە بە هرووژمە دڕندەییە ئەرەگیریەکا دۆڵەتو تورکی و چەتەکاش پەی سەرو ۋەرنیشتی کریا.
درانسی
جە گەڕەکەو درانسی شارو پاریسو پایتەختو فەرەنسای، کوردەسانیا و دۆسەکێشا بە سەرمەشقایەتی گلێرگەو دیموکراتیکی درانسی (جەدەکە-فە)ی، مجېێرە مېڎانەکا و هرووژمە ئەرەگیریەکۍ سەرو ۋەرنیشتیشا شەرمەزارۍ کەردۍ.
