چوارچوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" زیندانەکانە مانگێرتەی جە واردەی و بەریچۆ چالاکییەکاو ئێشکگێریی دادپەروەریی بنەیانەو زیندانییا بەردەواما.

زیندانیێ ٢٧ تشرینوو دووەموو ٢٠٢٣ دەسشا بە مانگێرتەی جە واردەی کەردەن، چالاکییەکە یاوان ٦١ ڕوێ.

جە چند شارێوەنە دەیان ڕوێن ئێشکگێریی دادپەروەری بەردەواما.

ڕاوەبەرانی ئەسەپەی ئەدەنەنە، پەی بەیاگەیاونای داواو زیندانییا و بنەیانەکاشا بیناو پارتەکەیشانە پەی ماوەو ڕوێوە "ئێشکگێریی دادپەروەری"یشا کەرد.  

ئەنداموو مەجلیسوو ئەسەپەی، عوسمان کارا ئاماژەش بە گۆشەگیریی سەختوو سەروو ڕابەروو گەلوو کوردی عەبدوڵا ئۆجالانی کەرد، ئەوەخوایش کەردۆ ئی گۆشەگیرییە سەروو گردوو زیندانییا و بەشەکای تەروو جڤاکیوە.

کارا ئەرەیاوناش پێسە ئەسەپەی پەی "ماڕای گۆشەگیری" پەی ماوەو ڕوێوە ئەدەنەنە ئێشکگێری دادپەروەریی کەرا.  

چالاکییەکە تا وێرەگا بەردەوام بۆ.