کۆردیناسیۆنوو کەژەکەی ئەرەیاوناێوەش وەڵا کەردۆ و واتش: "فرە ئێشما چەشت بۆنەو کارەساتوو کەوتەیۆ ئاویریوە ئامەد و مێردیننە. خودا چا کەسا وەش بۆ، کە مەردێنێ سەرەوەشیی وێما پەی بنەیانەو مەردا و گەلەکەیمام موازمێ."

'داواو مدرامانی و ئاوەدانکەردەیوە مکەرمێ'

ئەرەیاونایەکەینە وچیان: "دەوڵەتوو تورکی چەوسنەری ڕژێموو قڕکەردەی سیاسی و کولتوورییش سەروو گەلو کوردیوە چەنی قڕکەردەی سروشتی بکەرۆ. گرد جۆرە چەکێوی کیمیاوی کەشرکانە بەکارمارۆ، جوگرافیاو کوردستانی بێبەرهەم مکەرۆ، ئینەیچە ڕاو سیاسەتێوی تایبەتیوە مکەرۆش، بە وەشکەردەی بەنداوی زەرەرێوی فرەی ئیکۆلۆژیی میاونۆ، هجوومی عاسمانی مکەرۆنە سەروو گرد یاگێوی کە خەڵکەکەما چنەشا وەرنیشتنە بە سابۆتاژ ئاویر مەیدانە کشتوکاڵییەکانە مکەرۆوە، بە سیاسەتوو قەیومی فرسەتەکاو گەلەکەیما پەی پارێزنایش جە هجوومی و حەرجۆرە کارەساتێوی دلێنە بەرۆ. پێویسا خاس ئانە بزانیۆ، کە کوردستانەنە دا کارەساتی سروشتی نییەن، کارەساتوو دەوڵەتی چەوسنەری قڕکەری هەن.  

سەروو ئی بنەمێوە داوا وەنەو گەلەکەیما، ڕای گردینی دیموکراتیکی و تەڤگەرەکاو ئیکۆلۆژیی مکەرمێ، وەراوەروو ئی کارەساتە سابۆتاژییەو دەوڵەتینە دەس بە سەرفەربەریی کۆمەڵایەتی بکەرا، پەی سەرجەنۆ ژیونایوە و ئاوەدانکەردەیوە دارستان، دەگا، کشتوکاڵ و پارێزنای گیاندارا، پەشتیوانیێوی گەرورە بکەرا. سەروو بنەماو پارێزنای کوردستانی پەنەوازا گرد کەسێو بە ڕۆحوو ئاوەدانکەردەیوە کۆمەڵایەتییوە بجووڵیۆوە. وەراوەروو کردەوە قڕکەرییەکا و هجووموو دەوڵەتوو تورکینە، کە دوژمنایەتیکەردەی کوردان، داوا جە گەلەکەیما مکەرمێ ئاسایشوو وێشا بارا ئاراوە، ڕاوشۆنوو وێشا وربگێرانە و تەیمانەو ڕێکوستەی بنیاد بنیانە. کوردستانەنە دژوو کارەساتوو دەوڵەتی چەوسنەری قڕکەری، پێویسا بە مدرامانی گردگیر و ڕۆحوو ئاوەدانکەردەیوە، کردەوەکاو ڕژێمی قڕکەری بمدرنیا."