مانگێرتەی ئەری و داغی زینڎانەکاو پەدەکەینە یاوا ٥١ ڕوێ
بۊنەو مامەڵەی خراپ و نائینسانانەو دلۍ زینڎانوو هەولێریوە، مەزڵوم داغ و عەبدولڕەحمان ئەر، ماوەو ٥١ ڕوان مانشا جە وارڎەی گێرتەن.
دماو کوشیای پلەدارێوە کۊنسوڵخانەو تورکی بە نامۍ عوسمان کۊسەی، جە ١٧ تەمموزوو ٢٠١٩، هەریۊ جە مەزڵوم داغی وعەبدولڕەحمان ئەری تۊمەتبارۍ کریێنۍ و دادگا حوکموو قەنارەدایش پەی بەرێکەرڎێنۍ. چا ڕۊوە ئینۍ زینڎاننە ڕووبەڕووۍ چندین پاشێلکارییا بیێنیوە، پەوکای جە ١٨ ئایاریوە دژوو فشارەکا پەی یەکپۊشیی جلوبەرگی و مامەڵەی خراپی وەراوەرشا، مانشا جە وارڎەی گێرتەن.
ڕۊو جومعەی، مانگێرتەکەیشا ئەر و داغ چێروو دەسوو پەدەکەینە یاوا ٥١ ڕوۍ.
یاگۍ واتەینە، داغ و ئەر جە ٢٨ ئەیلوولوو ٢٠٢٢ مانشا گێرت دژوو مامەڵەی خراپ و ئەشکەنجەی، بەڵام چونکوم وەعدشا دۍ پەنە دۊخشا وەش کەرا، ڕۊو ١٤ەمینینە مانگێرتەکەیشا ماڕا.
چەنی ئانەیچ جە ١٣ شوباتوو ٢٠٢٢ دژوو پاشێلکارییەکا مانگێرتەیشا جە وارڎەی ئەرەیاونا، وەلۍ ڕۊو نۊیەمینە دماو نەمەنەی پاشێلکارییەکا مانگێرتەکەیشا ماڕا.
س.ز
