ماوەو ١٠ رووان سەروازەکۍ دۊڵەتو ترکی شش دەگۍ جزیریشا تەوق دێنۍ
جە مەنتیقەو جزیری شڕناخی شش دەگۍ بە پاساوو "بیەی گوزارشتو هەواڵگری" ١٠ ڕوۋێن جە لایەنو سەروازاوە تەوق دریېنۍ.
بە پاو زانیارییەکا دەگاکۍ" جنبرێ، بەهرب، بیاکۆپەک، باتل، سیسرکێ و گۆزکی جزیرە"ی ماوەو ١٠ ڕوۋان تەوقە دریېنۍ.
پۍ ئا تیرۆرە سەروازییەیە ئانەی پېسە پاساوۍ نیشانەدریان ئانەن کە گوایا جە دژوو ئا شش دەگایا گوزارشتی هەواڵگری یاوان بە هێزە ئەمنییەکا. لوای دلۍ و ئامای جبەر چا دەگایانە قەڎەغە کریان و مرۆڤەکۍ بە وشکنای زانیاری گرڎی (گی بی تی)رە ویەرا.
بەپاوهەواڵی ئاژانسو میزۆپۆتامیای دەگانشینێۋە کە بە مەڵامەتی ئەمنی گەرەکش نەبیەن نامېش ئاشکرا کریۊ ئەرەیاۋناش کە بەمەڵامەتو تەوقداکەیۊ تەرسی و نیگەرانیۍ فرە جە مەنتیقەکەنە ۋەڵا بیەنۊ.
ئا کەسە باسش چانەی کەرڎەن، "دماو ئانەی حەر ۋێرەگا ئاما کەس مەتاۋۊنە یانەنە بلۊ جبەر . ۋەرو ئانەی مانگەو رەمەزانینە خەڵک زیاتەر دماو ۋەربانگیۊ یانەنە مزیارە جبەر، بەڵام بەمەڵامەتو تەوقداکەیۊ کەس مەتاۋۊ بلۊ جبەر. ئینایمۍ ئاژێۋە دژوارەنە. سەروازەکۍ جە هورکوای سەرو یانانە جە ئەوەڵۊ بەرەو پەنجەرۍ فرەو یاناشا ماڕۍ و هەڕەشېشا جە خانەۋاڎەکا کەرڎ. سەروازەکۍ ئەرەیاۋنانشا؛ بە پاو ئا فەرمانۍ کە پنەشا دریان حەتا ماوێۋە جە دەگایەکانە مەناۋە. حەر پۊکەی ئێمە مەزانمۍ ئا تەوقدایە کەی تەمامیۊ".
هـ . ش
