ئیدارەو ويڕاوەبەری دیموکراتیکو هەرێمو سەرنیشتوو وەرکەوتوو سوریای جەبارەو هرووژمە ئەرەگیرەکا دۆڵەتو تورکی ئەرەگیری ئەرەیاونێوەش وەڵاکەردۆ کە بی جۆرەن:

"دۆڵەتو تورکو ئەرەگیری و چەتەکێش هرووژمەکێشا پەی سەرو مییانکە و چێرخانو هەرێمەکەی درێژە پنەمرا. پا هرووژما ئینێ هەوڵو ئانەینە ئا مییانکا دلێنەبەرا کە خزمەت بە ئەرەنیشتا سەرنیشتوو وەرکەوتوو سوریای میاونا. ئامانجو دۆڵەتو تورکی چا هرووژما هەمان ئامانجەکێ وەڵتەرینێ: نییایۆ پشێوی، کاولکەردەو هەرێمە ئارامەکا، گیاناو پەیامو پەشتیوانی و زینەکەردەیۆ گروپە تیرۆریستیەکا بەتایبەتی داعش.

هرووژمەکێ پەی سەرو چێرخانو هەرێمەکەی، جە دمایشەنە هرووژم پەی سەرو مەنتیقەکا بەنداو تشرینی، شارەوانی گەلی جە جورنیە، کارگەو قەنی جە مەسکەن و وێستگەکا کارەبێ، ڕۆشنوو وەرچەما. جە هەمان کاتەنە پاشێلکەردەو گرڏو پەیماننامەکا و رێککەوتە مییانتەوەییەکا پەیوەس بە هرووژمو سەرو یاگە خزمەتگوزارییەکان. ئا تاوانێ هامکاتێنێ چنی هرووژمە بەردەوامەکا سەرو هەرێمو منبجی و سەرتاسەرو هەرێمەکا سەنیشتوو وەرکەوتوو سوریای.

ئێمە ئا تاوانێ تورکیای کە بە ئامانجو تێکدای ئارامی و هەرپاسە هامکاریی و پەشتیوانییەکا چەتەکا و تیرۆریستا شەرمەزار مکەرمێ. چی قۆناغەنە و بەتایبەت جە دماو فاڕیای تاریخی جە سوریانە، پەنەوازی وڵاتەکەی بە هامپەشتی گەلەکەیش هەن. جەخت چانەیە کەرمێوە کە مشۆم گلێرگەو مییاننەتەوەیی و رێکوزیاکا جە وەراوەرو ئا تاوانا گناوێشا و وەراوەرو ئا کردەوا تورکیای مرداوە.

ئێمە پێسەو ئیدارەو وێڕاوەبەری دیموکراتکی هەرێمو سەرنیشتوو وەرکەوتوو سوریای جەخت مکەرمێ کە مشۆم ئا تاوانێ بێ سزا و بێ ونەپەرسایۆ دەربازێ نەبا. بەتایبەتی کە تورکیا پاگیرا سەرو ئانەی ئاڵۆزی مرۆیی بنیۆوە. جە حەسەکەیش بە ئەرەگیر کەردەو وێستگەو ئاوێ عەلوکی جە سەرێکانی ملیۆنان کەسێش بێ ئاوکەردێ. سەرو ئانەیچ هەوڵ مرۆ بەنداو جە بەنداو تشرینی قەیرانو ئاو و کارەبێ ساز کەرۆ.

سڵام جە رەنج و ئەرەکۆشای گرڏو هێزە سەروازییەکاما کەرمێ کە پلان و ئامانجەکا تورکیای دلێنەبەرا. بە گرڏ هێز و تواناماوە پەشتیوانیشا چنەکەرمێ. جە هەمان کاتەنە ئێمە گەشمەرڏا قارەمانا وێما و زامدارا وێما جی جەنگە تاریخییەنە ویرمارمێ. بەمەڵامەتو هەڵوێسو ، پەشتیوانی و پاگیریشا سڵام ئاراستەو گرڏو ئەرەنیشتاو سەرنیشتوو وەرکەوتوو سوریای کەرمێ".