ڕېکوستەکا پارتوو یەکسانی و دیموکراسی گەلا (دەم پارتی) جە مەنتیقەو پەیاسی ئامەدینە پەی ناڕەزایی بەربڕیەی ۋەرا ۋەر بە نیایرەو قەیومی ڕاپیمایێش بە دروشمەو 'جۆلەمێرگ پەی ئېمەن، شارەوانی پەی ئېمەن' و 'بژیۋۆ مدرامانوو جۆلەمێرگ'ی، سازکەرد.

سەرەڕاو حۊلەکا پۆلیسی پەی ڕاگېرتەی بەڵام جەماوەرەکە بەردەوامۍ بیۍ جە ڕاپیمای و سیاسەتوو نیایرەو قەیومیشا شەرمەزار کەرد.

رەزان

جە مەنتیقەو رەزانیچ بە هەمان شێوە بە بەشداری کاربەدەسا دەم پارتی و دەبەپەی ڕاپیمایۍ کریا و داوایچ کریا کە گرڎ ڕووۍ سەعات ١٧:٠٠ ۋەروودەم و شارەوانیەکانە دژوو سیاسەتوو زەوتکەردەی ئیرادەو گەلی چالاکی ئەرەنیشتەی ئەنجام بڎریۆ.

سور

جە مەنتیقەو سوری ئامەدیچ سەرەڕاو حۊلەکا پۆلیسی پەی ڕاگېرتەی، ڕاپیمای جە دژوو دەس سەرەرەگېرتەی و زەوتکەردەی ئیرادەو گەلی جە جۆلەمێرگەنە لوواڕاوە. جە ڕاپیماکەینە سەرەمڕە دروشمەکا 'بژیۋۆ مدرامانوو گەلی'، 'جۆلەمێرگ پەی ئێمەن'، فشارەکۍ مەتاوا ڕاما چنە بگێرا، 'بە مدرامان سەرۍ گنمۍ' واچێنۍ.

باژارێ نو

جە مەنتیقەو باژارێ نو (یەنیشەهیر)ی ئامەدیچ بە سەرمەشقایەتی رێکوستەی دەم پارتی حۊڵ دریا ڕاپیمایۍ بلۊڕاوە بەڵام جە تەرەفوو پۆلیسیوە ڕاشا ۋنەگیریا، حەرپۊکەی جە گلېرۊبیەکەینە سەرەڕاو شەرمەزارکەردەی  دەس سەرەرەگېرتەی شارەوانی جۆلەمێرگی، ئیهانەو ئا ڕاگیریە پۆلیسیچ کریا.

جە گلېرۊبیەکەینە ئەرەیاۋییا، پېسە گەلو کوردی و گەلا تورکیای ئەقڵیەتوو قەیومی شەرمەزار مکەرمۍ و ئانۍ ستەم جە گەلی مکەرا ڕووۍ مۍ کە دادگایی مکریا.

بسمل

جە مەنتیقەو بسملی ئامەدیچ پەی شەرمەزارکەردەی گێرتەی محەمەد سدیق ئاکشی هامسەرۆکوو شارەوانی جۆلەمێرگی و نیایرەو قەیومی یاگەکێشەنە چالاکی ئێشکگیری بە بەشداری ۋەرپەرسا دەم پارتی و دەبەپەی دەسشپنەکەرد و جە کۆنفڕانسێوە رۆنامەوانینە داوا جە گرڎ لېوە کریا بەشداری جە چالاکیە جیاجیاکانە بکەرا پەی سەرکۆنەکەردەی دەس سەرەرە گېرتەی ئیرادەو گەلی جە جۆلەمێرگەنە.