فەرماندەیی گرڎی مەجلیسو سەروازیی سوریانییەکا دەربارەو ڕووەدایەکا دماو وڕنای ڕژێمو بەعسی ئەرەیاۋنێوە نویسیاش وەڵا کەرڎۆ و ئی بانگەوازشە جە گرڎو پێکئامایەکا کەرد:

"سوریا دماو وڕنای ڕژێمو ئەسەدی پڵۊسنەری و بکوژی پاش وستەن قۆناغێوە تازەو بنیاتنیای سوریێوە دیموکراتیکی و فرەڕەنگی و ناناوەندی. داوا جە گەلەکەیما جە پێکئامایەکا سوریانی_ئاشووری_کلدانی جە تەمامو سوریای مکەرمۍ خاک و وڵاتەکەیشا پارێزنا و بەشدارۍ با جە هێزەکاو مەجلیسو سەروازیی سوریانی. قەول بە گەلەکەیما مڎەیمۍ پەشتگیری جە گرڎ کەسێ بکەرمۍ کە گەرەکش بۆ هەنگامەی تازۍ بنیۆ و خزمەتو تەمامو گەلو سوریای بکەرۆ. ئێمە هێزێوە سەروازی و پێکئامایێنمۍ و پەی بنیاتنیای سوریێوە تازەی چڼین گەشمەرڎێما بەخشۍ.

چی قۆناغە دژوارەنە گەلەکەیما پارێزنمۍ. دیسان قەول بە گەشمەرڎاما مڎەیمۍ کە وەرمەکاشا مارمێنە دی".