بۊنەو ٤وو نیسانیوە، ساڵڕۊو پەیڎابییەی ڕابەروو گەلوو کوردی "عەبدوڵلا ئۊجالان" مەجلیسوو پەژاکی ئەرەیاونایوە مەبارەکباییش وەڵا کەرڎۊ، ئی بۊنەیە جە گەلوو کوردی و تەماموو گەلاو دنیۍ مەبارەک کەرۊ.
جە ئەرەیاوناکەو پارتوو ژیوای ئازاڎی کورڎسانی (پژاک)ینە ئامان:
«مەبارەکبایی حەفتاوچوارەمین ساڵڕۊو پەیڎابییەی ڕابەری جە ژەنا و گەنجا و گەلوو کوردی و گرڎ ئازاڎیوازێوە کەرمۍ. حەرپاسە مەبارەکبایی جە گرڎوو ئەدێوە کۊشەرۍ و خەباتگێڵنۍ کەرمۍ، جە نموونەو ئەدا عوەیشۍ، ئەداو ڕابەر ئۊجەلانی، کە بەرهەمی کەلتووریی ئەداخواینە [مێڵە‌خوا]. یادوو پەیڎابییەی ڕابەروو تاریخوو و ئێسە و ئایندەو ژەنا و ئینسانیەتین، پارێزنای ڕێباز و بەهاکاش، پارێزنای تاریخی و ئیسەی و ئایندەین، پەوکای ئیساتۍ زیادتەر جە هەروەختێوە ، ئازاڎیی جەسەیی ڕابەری، بۊ بە وەرپەرسبییەی ژەنا و سەرتاپاو ئینسانیەتی».
پەیڎابییەی ڕابەری، ئەوەڵیوە تازەو و پەرەسانایۍ تازەن، جە پەڕەکاو تاریخوو ئینسانیەتینەپەیڎابییەیۍ تازەو خەباتین پەی ئازاڎیی ژەنا، پەی گەلوو کوردی و گرڎوو گەلە چەوسیاوا ئومێدوو ئازاڎی و سەرکەوتەین. هەڵبەت مۊدێل و خەتەو ئازاڎیی ژەنان مەژگەو دلێنەو ئی پڕۊژەیە پێک مارۊ، سیستموو مۊدێرنیتەی دیموکراتی و کۊنفیدراڵیزموو ژەنۍ، شێوازوو ئی جۊرە ژیواینە. پەیڎابییەی ڕابەری، ورگێروو بایەخ و ماناێوە تاریخین لای ژەن وگەنجا و کۊو خەڵکیوە.
ڕابەر کاروانوو وێش ڕووەو ئازاڎی و بەها ئینسانییەکاو تاریخوو مدرامانەکەیش جە خاکێوەنە دەس پەنە کەرد، کە بەشێوە گەورە چی کەلتووریشە ور گێرتەن. جە کاروانوو ئازاڎیی وێشنە، فرە چا کەساشە دەربازۍ کەرڎۍ، کە جە زانای و فەلسەفەو بییەی وێشا دوورۍ کەوتێبێنۍ. هەڵوێسوو ڕابەر ئۊجەلانی دژوو چاخ و سیستموو مۊدێرنیتەی سەرمایەداری، هەڵوێسێوە زانستی و کۊمەڵایەتی و فەلسەفی و میاننەتەوەیین دژوو زیهنیەتوو پیاسالاری، ڕابەرما بناغەو هزری ئازاڎی و ژەنۍ و گلیرگەی ئازاڎیش بە پاو بەهاکا و کەلتووری پیرۊزوو ئەدۍ مەرزنارە، چی پێناوەنە کۊشیایۍ گەورەش نیا پێوەرە. پەی یووەمین جاری جە کورڎساننە، ڕابەر بناغەو شۊڕشێوە ئینسانییش متەرە، بناغەو جمیەرێوە سۊسیالیستی و شۊڕشگێڵنی بە ڕابەرایەتیی ژەنۍ. ئێساتێچ مۊدێلوو ژیوای ئازاڎ و یەکسانی، بییەن سەرچەمەو ئومێد و كۊشیای ژەنا و ئینسانیەتی جە جیهاننە سەروو خەتەو خەباتوو ژەنۍ پێناوو ئازاڎی و ئایدۊلۊژیای ڕزگاریوازی و ژنۊلۊژینە.
ڕابەر "ئۊجەلان" بە کەسێتییە تاریخی و ڕابەرایەتی و وەرپەرسیارێتییەکەی و کۊشانەکەیش پێناوو خەباتوو ژەنێنە بە نامۍ ژەنا و گلێرگەیچۊ، جە ڕاو مدرامانێوە بێوێنەیۊ، قوربانیێوە گەورەش پێشکەش کەرد. ڕابەرما چێنە دژوو گرڎوو هێزە باڵادەسەکاو دنیۍ مرڎۊوە، چونکوم ئی هێزۍ کەسێتیی ڕابەریما پێسە هەڕەشێوە پەی سەروو هەژموونوو وێشا موینا، پەوکای بەتندی دژش جەنگ کەرا و مرڎاوە. چەنی حەفتا و چوارەمین ساڵڕۊو پەیڎابییەی ڕابەریما، ئی جەنگە گەورە دژوو ڕابەرایەتی هەڵای بەتندتەرین شێوە درێژەش هەن، جەنگوو دژ بە ژەنۍ و گلێرگەی یاوان ترۊپکوو فاشیزمی.
ئێمەی ژەنا و گەلوو کوردی، جە ٥١مین ساڵیادوو خەباتکەرڎەی پێناوو ئازاڎینە، ئی یادەیە کەرمێوە. دووەبارەش کەرمێوە، چەقوو خەباتەکەیما ئازاڎیی جەسەیی ڕابەرین، چێگەوە ئازاڎیی جەسەیی ڕابەریمان، پاگێرتەیرەو و بەستەری هەقەتینوو ئێمەن، بە ڕێبازە ئازاڎیوازییەکەیوە، پی هەستوسۊزۊ و پا وەرپەرسییە تاریخییەوە کە گنۊ دەینوو ئێمەی ژەنا، یادوو پەیڎابییەی ڕابەری کەرمێوە. پێویسا سەروو ژەناو کوردی وزە و هێزوو وێشا کۊ کەراوە و پەی ئی وەرپەرسبییەیە تاریخییە، مشۊم ڕۊ و شەوە وزمی سەروو یۊی، پەی ئازاڎیی ڕابەر ئۊجەلانی، چێگەوە پی قووەتۊ یادوو پەیڎابییەی ڕابەری کەرمێوە و کۊشیای پەی ئازاڎکەرڎەیش درێژە پەنە مدەیمۍ.
س.ز
