گەریلۍ یەژاستاری، ماردین پەنابەرە (بەیبوون کارا) جە ٤ تەمموزوو ٢٠٢٢ جە مەیدانوو مدرامانوو تەپوو هەکارینە جە هەرێموو مەتینای چەنی چوار هامڕایاش بەچەکی کیماوی گەشمەرڎۍ بییە. جە یوەمین ساڵیاڎوو گەشمەرڎەبییەیشنە کەمپوو پەنابەراو مەخمورینە یاڎە کریاوە.

مەراسیمەکە جە ئەرەمەرزیاو بنەیانەو گەشمەرڎا بە بەشداریی سەدان کەسا، جە خەڵکوو مەخموری لوا ڕاوە. دماو دەیەقیوە مرڎای پەی گیانوو گەشمەرڎا، تاتەو گەشمەرڎە جەمیل کارای، بە نامۍ بنەیانەکەیۊ خێرامای ئامادەبییاش کەرد و واتش: "سوپاسوو گردیتا کەروو، کە چی ڕووەنە ئێمەتا تەنیا نەکەردیمۍ، گەشمەرڎۍ تەنیا هینەو ئێمە نییەنە، بەڵکوم گەشمەرڎۍ گردیتانە، ئێمە پێسە بنەیانەی، شانازی بە کناچەکێماوە کەرمۍ، وەعد مدەیمۍ سەروو ڕێکێش بلمۍ، سەرەوەشی جە ڕابەر ئاپۊی و گەلوو کوردی و گەلوو کەمپوو مەخموری بەتایبەت کەروو".

 دماتەر، ساریا مارینۊسە، بە نامۍ ئەرەمەرزیاو بنەیانەو گەشمەرڎاوە ئاماژەش پانەیە کەرد، وێبەساعیبزانای گەشمەرڎا ماناو وێبەساعیبزاناین جە ڕابەروو گەلوو کوردی عەبدوڵا ئۊجالانی و واتش: "سەرەوەشی جە ڕۊڵەکاو گەلوو کوردی کەرمۍ، ئێمە شانازی بە گەشمەرڎەکاماوە کەرمۍ و سەروو ڕێکێشاوە بەرڎەوامۍ بیمۍ. سەرەوەشی جە گەلوو مەخموری و ڕەفێقەکاش کەرمۍ، کە تا ئیساتۍ سەنگەرەکانە جەنگ کەرا".

دماتەر بەڵگەفیلمێوە  سەروو ژیوای و کۊشیای گەشمەرڎە ماردین پەنابەرۍ نیشانە دریا.

مەراسیمەکە بە واتەیۊ درووشموو "ژەنی، ژیوای، ئازادی" و "بۍ سەرۊکی ژیوای مەبۊ" و "بژیوۊ سەرۊک ئاپۊ" دماییش ئاما.

س.ز