جەنگەوانا قەسەدەی جوابو هرووژمەکا دۆڵەتو ئەرەگیرو تورکی و چەتەکاش مڎاوە، جە چوارچێوەو هەڵمەتەو گەشمەرڎە عەزیز عەرەبینە جە مەنبەج، سیستەمێوە ڕادارو دۆڵەتو ئەرەگیرو تورکی دلێبە بریا.
هێزەکاو سوریای دیموکراتیکی (قەسەدە) جە ئەرەیاۋنێوەنە تەئکیدش کەردۆ، سیستەمێوە ڕادارو دۆڵەتو تورکی جە پانیشتوو مەنبەجی، جە چوارچێوەو هەڵمەتەو گەشمەرڎە عەزیز عەرەبینە جە مەنبەج کریان ئامانج. جە دیمەنەکانە بەرگنۆ، مووشەکێوە بەرەو ئا ترۆمبێلیە ملۆ کە سیستەمو ڕادارەکەیش هۊرگێرتەن و تەقنۆشۆ.
قەسەدە ئەرەیاۋناش ئی ئۆپەراسیۆنۍ دژو هەوڵە ئەرەگیریەکا دۆڵەتو تورکینۍ.
جە دیمەنەکانە ساتو دلێنەبەردەی سیستەمو ڕادارەکەی بەرگنۆ. بە دلێنەبەردەو ڕادارەکەی، ئۆپەراسیۆنەکە بە سەرکۊتەیی دمایش ئاما.
