منبجەنە ئەنڎاماو شانێوە داعشی گیریۍ
هێزە کاو ئاسایشوو دلېینەی لووۍ سەروو شۊنماو چەتەکا جە منبجەنە و جە ئاکامەنە چەتێوە داعشی کوشیا و ٣ چەتۍ تەریچ زامدارۍ بیۍ.
بەپاو ئەرەیاۋنېوە ناوەنڎوو ئەرەیاۋنای هێزەکاو ئاسایشوو دلېینەو سەرنیشت و ۋەرکەوتوو سوریای، هێزە ئەمنیەکۍ دماو بەدەس یاوای زانیاری سەروو چوار کەسا کە جە شانېوە شاراوەو داعشینەبیېنۍ، وستێشا چێروو چەمداری، ئا چەتۍ جە منبج و دەگایەکاشەنە چالاکۍ بێنۍ و چنڎین هجومۍ تیرۆریستیێشا جە شارەکەنە کەردێنۍ.
بەپاو ناوەنڎەکەی، هێزە ئەمنیەکۍ و هێزەکا ئۆپراسیۆنی لووێنۍ سەروو بنکەکاشا و جە ئۆپراسیۆنەکەنە چەتێوە هجومش کەردەن و جە ئاکامەنە کوشیاو، ٣ چەتۍ تەرێچ گیریێنۍ و دەسیچ سەروو ئا کەلوپەلارە گیریا کە پنەشا بێنۍ.
هێزەکۍ ئاسایشوو دلېینەی هێماش پۍ ئانەیچ کەردەن کە ۋنەپەرسای سەرەتایی چنی ئا چەتا کریان و بە پاو ئا ئەوەکۊڵیایا بەرکۊتەن کە دەسشا جە چەنڎین هجومېنە بیەن و دماو دمایی ئامای ئەوکۊڵیایەکا وردەکارییەکۍ ئاشکرا کریا.
