یۆ جە فەرمانڎەکا هێزەکاو پارێزنای گەلی (هەپەگە) ڕۆژگەر سەرحەد، بۆنەو ٢٥ەمین ساڵوەگەڕوو پیلانگێڵنی میان نەتەوەی جە دژوو ڕابەروو گەلوو کوردی عەبدوڵا ئۆجالانی، پۍ ئاژانسوو هەواڵوو فوراتی (ANF) قسێش کەردۍ  و ئانەش دیاریکەرد کە؛ ڕابەروو گەلوو کوردی عەبدوڵا ئۆجالان بە پارادایموو ژیۋای تازەی، ئامانجەکۍ پیلانگێڵنیش پوچۍ کەردۍ.

'فکر و فەلسەفەو ڕابەریما گەردوونی بیەنۆ'

ڕۆژگەر سەرحەد ئاماژەش پانەی کەرد کە گەلوو کوردی گەلێوە قەڎیمین و واتش: "ڕابەر ئاپۆ بە پارێزنای ئینیشا، گەلش جە جە دلێنەشیەیۆ زینڎەکەردۆ. ۋنەپەرسایش جە هێزە هەژموونوازەکا کەرد. بە پارادایمەکاش بی بە هومێڎێوە پۍ مرۆڤایەتی. دووژمن چانەی میاوۆنە کە قسەکێش پۍ گەلوو کوردی چنڎە گرنگێنۍ، حۊڵمڎۆ کۊسپ وەشکەرۆ. ڕابەر و گەلما لاوازۍ نەبیۍ، بەڵکم بە پێچەوانۆ فرە بەقوەتتەرۍ بیۍ. فەلسەفەو ڕابەریما بیەن بە فەلسەفێوە گەردوونی".

سولەیمان سۆیلۆ کێن؟

فەرمانڎە ڕۆژگەر سەرحەد باسش چانەی کەرد جە هەرێمەکاو پارێزنای مەدیاینە، جەنگێوە فرە قورس و دژوار گوزەر کەرۆ و واتش: "گەریلا ئانەش تەئکید کەردۆ کە نە مەڕیۆ و نە دمایچش پنە مۍ".

رۆژگەر سەرحەد قسەکاو وەزیروو وەڵتەرو دلێینەو تورکیای سولەیمان سۆیلۆی کە دەربارەو ژمارەو گەریلاکاوە قسێش کەردۍ بۍ، یاڎ وستۍ و پی جۊرە بەردەوام بۍ: "سولەیمان سۆیلۆ کە بە دەنگێوە بەرز هاوار کەرۍ، ئیسە ئینا چکۆ؟ پۍ چی مە پیویۆ، پۍ چی نەتاواش پەکەکەی تەمام کەرۆ؟ چی سەرنەکۆت؟ مەتاوا سەرۍ گنا. چوارساڵەکەش تەمام نەکەرد. ڕووانە جەنازۍ سەروازەکاشا پۍ ملاوە و فرەیچشا شاراوە. بنەیانەکێشا کە زارۊڵەکێشا جە دەسدێنۍ، مەتاوا دەنگ هوربڕا، چونکی زارۊڵەکێشا پۍ زەڕی جەنگشا کەردەن. ڕێککۊتەی جە بەینشانە هەنە. پۊکەی مەتاوا دەنگ کەرا.

مۆراڵێوە گۊرە هەن

گرڎ چالاکیێوە گەریلای تۆمار کریۆ. کۊشیای گەریلای پۍ ئازاڎیی ڕابەرایەتی و گەلوو ۋێشا. پێسە هێزوو گەریلای خاوەنوو وزە و ئیراڎێوە فرە بەرزینمۍ. جە جەنگەکانە ورەی دەرونی ئینا دەسوو ئێمەنە. کەس مەتاوۆ نکوڵی چینەی کەرۆ، تێکشیەو سوپاو تورکی وینیۆ. گەریلا ڕووە جە حەر یاگۍ کەرۆ، ئا یاگۍ جە دوژمنی پاک کەرۊوە. چالاکیەکۍ ئی دماییە سەلەمنەرۍ ئینەینۍ ".