دماو پێشئامایەکا سووریای، بە دیاریکریای جە ٨و کانوونو دووەمیۆ هرووژمە ئەرەگیرییەکا دۆڵەتق تورکی و چەتەکاش بە مەبەسو ئەرەگیری کەردەو بەندواو تشرینی و سردەو قەرەقۆزاقی جە هرووژمی وەرفراوانو ئاسمان و زەمینینە.

پەی دژبەرو ئا هرووژما، بەمەبەسو پارێزناو بەنداوەکەیشا و پشتگیری کەردەی جە مڏرامانو جەنگاوەرا جە ٨و کانوونو دووەمیۆ گەلا سەرنیشتوو و وەرکەوتوو سووریای بە سەرمەشقایەتی ژەنا و ئەڏایا جە گرڏ و چین و توێژەکاوە بەشێوەو نۆرە-ئێشکگیری هەرجارە و جە کانتۆنێوە ملانە بەنداو تشرینی.

سەرەڕاو ئانەی گرڏ و ئانێ جە ئێشکگیری مڏرامانینە کەسێ مەدەنیێنێ، بەڵام دۆڵەتو تورکی و چەتەکاش بە گرڏ شێوێ هرووژمشا جە دژ ئەنجام مڏانە. بە پاو ئامارەکا دەسەو تەندرووسی ئیدارەو وێ ڕاوەبەری سەرنیشتوو و وەرکەوتوو سووریای، جە دووێ مانگێ ویەردەنە بەمەڵامەتوو هرووژمە بەردەوامەکا دۆڵەتو تورکی و چەتەکاش ٢٥ هاموڵاتیێ مەدەنیێ گەشمەرڏێ بیێنی و ٢٢١ هاموڵاتیێ تەرێچ زامڏاری بیێنێ.