بە دەیان هەزار کەسۍ جە ئەرەنیشتاو هەرێمەکاو "جزیر، رەقا، فرات، منبج، شەهبا و دێرەزۊر"ی، بەمەبەسوو بەشڎاریکەرڎەی جە بەخاکسپارای جەنازەو ٩ جەنگەواناو یاتی، کە جە قۊمیای کەوتەیرەی هەلیکۊپتەرەکانە گەشمەرڎۍ بیۍ ڕووەشا کەرڎە حەسەکە.

مەراسیمەکە جە مەیڎانوو سەرڎەمینە حەسەکەنە لوا ڕاوە، بەشێوە جە جەماوەرەکەی لوۍ دلۍ مەیڎانەکەی و بەشێوەشاجە خەسەخانەوە جەنازەکێشا سەروو شاناشاوە پەی مەیڎانەکەی فاڕێوە.

فەرمانەدەکاو قەسەدەی "مەزڵوم" و "نەورۊز ئەحمەد" هامسەرۊکاو وێڕاوەبەریی سەرنیشت و وەرکەوتوو سووریای "بێریڤان خالید"ە، و "عەبد حامد ئەلمەهباش" فەرماندەو هێزەکاو دژە تیرۊروو یەنەکەی "وەهاب هەڵەبجەیی" و "هامسەرۊکەو ئەنجوومەنوو سوریای دیموکراتیک"ی "ئەمینە عومەر"ە بەشڎارییشا جە مەراسیمەکەینە  کەرد.

حەریۊ جە "مەزڵوم عەبدی" فەرماندەی گرڎینوو قەسەدەی، "عەبد حامد" هامسەرۊکوو وێڕاوەبەریی سەرنیشت و وەرکەوتوو سووریای "ئەمینە عومەر"ە هامسەرۊکەو ئەنجوومەنوو سوریای دیموکراتیک (مەسەدە)ی، "سەلما خەلیل"ە هامسەرۊکەو ئەنجوومەنوو بنەیانەو گەشمەرڎاو هەرێموو جزیرەی و "مەلا عەبدولڕەحمان بەدرخان" نوێنەروو کۊنگرەی ئیسلامی دیموکراتیکی واچێوەشا پێشکەش کەرد.

قسەکاشانە سەرنجە کێشیا پەی سەروو کۊشیای گەشمەرڎا، کە جە دژوو گرڎوو هجوومەکا سەروو هەرێمەکا و بەتایبەتی جە دژوو چەتەکاو داعشی بەشڎاربییەی جە مدراماننە و باسشا جە پارێزنای دەستکەوتەکا و گیانوازییەکا گەشمەرڎا کەرد.

وتارەکایچشانە باسشا جە کوشتەی ٤ کوردا کەرد، کە گەرەکشا بۍ جە مەنتێقەو جندرێسوو عەفرین-ینە ئاویروو نەورۊزی کەراوە و داواشا جە گلێرگەی میاننەتەوەیی و گرڎوو هێزەکاو سووریای کەرڎە، کە دمایی بە ئەرەگیرکاریی دەوڵەتوو تورکی عەفریننە بارا.

"بە واتەیۊ درووشما جەنازەو گەشمەرڎەکا ڕوانەو شارەکاشا کریا"

مەراسیمەکە دماو  پێشکەشکەرڎەی وتارەکا دماییش ئاما و جەنازەو ٩ جەنگەوانە گەشمەرڎەکا بە درووشمەکاو "گەشمەرڎۍ مەمرا" و "بژیوۊ مدرامانوو یەپەگە" و "بە گیان و بە ونی ئینایمێتا چەنی ئەی گەشمەرڎا" ڕوانەو مەنتێقە و شارەکاشا کریۍ.

جەنازەو شەڕڤان کۊبانۍ (عەبدۊ ئەحمەد عەبدی) جە کۊبانۍ، فەراشین باران (نەژبیر مەحمود حەمدۊ)، دیدار دێرک (حەمدیە سەیدۊ سەیدۊ)، هۊگر دێرک (عەلا عەدنان حەمید)، دۊغان عەفرین (هادی حەمدوشرک زاهیر)، کۊچەر دێرک (دوێش ئەحمەد عومەر) و جەنازەو هاروون ڕۊژئاوا (مەجید سلێمان محەمەد لە دێرک، تەرمی ڕۊژەنگ رەفعەت (بەرفین بیلال ڕەفعەت) جە شەهبا و جەنازەوی خەبات دێربێسی (ڕێناد عیزەدین عەلی) جە دێربێسی بەخاکی مسپاریا.

س.ز