بەبی ئاگاداربییەی جە ئایدۆلۆژیاو بەعسی کە ڕێخە و ڕیشەش گێڵۆوە پەی زیھنیەت و ئاشوورییەکا و کەسایەتی "نەبوو خەس نەسری"، یاوانەیما چی مەرگەساتیە جە تاریکییەنە مەنۆوە. ئیدۆلۆژیاو بەعسی کە دلۍ زیهن و حەر یۆ جە "زیاد ئەلسوزی و میشیر ئەفلەقی" گێڵۆوە، بۆنە بە بنچینەو دەوڵەت نەتەۋەو عێراقی و سورییەی، یۆ" نەتەوە، زۋان، ئایین، کلتوور و جوگرافیا" پێسەو هەقیقەت و وەرکەوت و ناۋەنڎی تەماشەکەرانۍ، بنچینەو ئی ئایدۆلۆژیایە؛ پەی مۆزۆپۆتامیایی وارینی گێڵۆوە. تاوانەکی سیسەم و سەرمایەداری جە سەڎ ساڵی وێردەینە دژو فرێ جە گلێرگەکا دنېۍ و نەتەوەو کوردی بە تایبەتی تەمام و بەها ئەخلاقییەکیش بەزنێنۍ. یۆ چا کردەوە ترسناکا ڕاستینەو چەرخەکەیما دەربارەو کیشەو نەتەوەو کوردی نیشانە مرۆ، جە ۋەختێنە تەمام و ئاموورەکا بەرژەوەن خواز و ئابوری و سیاسییەکا، بیێنۍ بە بەشیوی گۊرەو جە سەرجەم و کیشەکا، دلی گیژاو بێ چارەسەرییەنە سووڕیاوە، ڕاشا جە وەڵی وەحشیگەرییەوی پاسنەی کەردەنۆ کە، مەرگەساتیوی پیسەو هەڵەبچەی چەنی ویش مارۆ. بە کار ئاوردەو چەک و قەدە‌غەکریای جە زد و نەتەوەو کوردی، تا بە ئارۆیج ۋەرردەوامیش هەن، گەر ١٦-٣ رێنە، هەڵەبچە وەرچەما گردوو دوونیۍ و بەنام دیموکراس و ماف و ئینسانیوە، خنیکیا، و کەس ویژدانش نەچڵاکیارە، ئانە جە ئارۆیجەنە ئاخێزو هیزە چەم جنۆکەکا و سیسەم و سەرمایەداری، هەردووی چەمی و گۆشی ویشا کەڕۍ و کۆرۍ کەردێنۍ جە وەرانوەر و بە کار ئاوردەو گازو کیمیاوینە، جە لایەن و سووپا ئەرەگیرکەرەکەو تورکییەیۆ، پەی سەرو گەریلاکا ئازاڎیی کورڎسانی، جە کەشە سەربەرزەکا کوردستانی.

ئینەیج جارێوەتەر تەمام و سیسەموو دەسەڵات و دوونیای، وزۆ وەردەموو پرسیارێوی گەوری ئەخلاقیۆ، ئاڎیج ئانەن جەبەین بەردەو دوژمنایەتی کەردەو نەتەوەو کوردی چی؟ کیمیا واران و ئەرەنیشتاو هەڵەبجەی و دەورو بەریش، سەدان کێشۍ تەندروسی و کۆمەڵایەتییش چەنی وێش ئاستێنی جیا، کە تا بە ئارۆ ئەرەنیشتا و ئا یاگۍ دەسشۆ گیرۆدێنۍ.

 سەرەڕاو جە دەسداو هەزاران ئازیزاشا ئەرەنیشتاو هەڵەبجەی جە ڕوە ڕۆحی و مەعنەویۆ، بە ئەنازێوە فرە جە لایەن و ھەرمان وەدەسا پانیشتیوە وزێنۍ پەشتەو گۆشا، ئینەیج بییەن بە مەڵامەتو ئانەیە چنڎین ساڵین یاد کەردەیۆ ڕۆو ١٦-٣ جە لایەن و کەسووکار و وەرکەوتا و کیمیاویەکەیۆ بایکۆت کریۆ. یۆتەر جە ناڕەزابییەو هەڵەبجەییەکا، نەبەردەو سەرو ئا وەعدو پەیمانانە کە کاروەدەسا و پانیشتین، کە هەر ساڵ جە ڕۆو ١٦-٣ یەنە بە ئەرەنیشتاو هەڵەبچەیش مرانی و هیچشا مەبەرانی سەر.

ھەڤاڵ ھەورامی

ھ.ش