"مەرڎەو ئەردەمی ڕوۋەدایۍ ئاسایی نییا، کوشتەین"

جەمەو مافو مرۆڤ (ÎHD)ی ئەرەیاۋناش، مەرڎەی ئەردەم ئاشکانی (٥ ساڵانی) بەمەڵامەتو شێلایش جە لایەنو ترۊمبېل و ئەفسەرێوە تورکیەیۊ، ڕوۋەدایۍ ئاسایی نییا، بەڵکم کوشتەی ئەنقەسا.

جەمەو مافو مرۆڤ (ÎHD)ی یاۋنەریوەش سەبارەڎ بە مەرڎەی ئەردەم ئەشکانی تەمەن ٥ ساڵی ۋەڵاکەرڎۊ کە جە مەنتیقەو گەڤەری جە جولەمێرگ، ترۊمبېلو ئەفسەرێوە تورکی کەرڎش چېرۊ و کوشتش.

بەمەڵامەتو شێلای ترۊمبېلی سەروازی تورکیایۊ دەیان زارۊڵۍ کورڎی مەرڎېنۍ

جە دەقو یاۋنەریەکەینە ئامان: "جە مەنتیقەو گەڤەری، زارۊڵېوە ٥ ساڵان بەنامۍ ئەردەم ئاشکانی کە چنی ئەڎېش و واڵە و برېوەش بۍ، ترۊمبېلېوە سەروازی ئەفسەرێوە تورکی کەرڎش چېرۊ و پا مەڵامەتۊ گیانش جەدەسدا، جە دە ساڵی ۋیەرڎەنە، دەیان زارۊڵۍ کورڎی بەمەڵامەتو شێلای ترۊمبېلۍ سەروازی دەوڵەتو تورکیوە مەڕڎېنۍ".

جە یاۋنەریەکەنە ئامان: " پېسە جەمەو مافو مرۆڤ (ÎHD)ی، چنڎین جارۍ ئەرەیاۋنانما، ئی جۊرە ڕوۋەدایۍ بەبۍ ۋنەپەرسایۊ سەرو ئەنجامدەرارە ۋیەرۊ، بەڵام بانگەوازەکەما پەشتگۊش وزیان، داخەکەم، هەڵای زارۊڵۍ پی کارەساتا گیان جەدەس مڎا، بە پەیلواو ئێمە، مەرڎەی ئەردەمی ڕوۋەدایۍ ئاسایی نییا، بەڵکم تاوانەو کوشتەی ئەنقەسا".

هـ . ش