ئەنداموو ئەنجوومەنوو گەنجاو پارتی یەکسانی و دیموکراسیی گەلا (هەدەپە)ی، مەزڵوم کایا، کە ڕۊو ٢٠وو ئۊکتۊبەری لاو بڕۍ کەساوە کە سەرسەعبوو ئارۊی وێشا بە پۊلیس ئشناسان گیریا، مڕفانیۊ دمایی ئەشکەنجە مدریۊ و سیخوڕییش ملەرە سەپییان، کایا فاڕیانۊ پەی بارەگاو پۊلیسوو مێرسینی و سەبەبوو دەسبەسەرکەرڎەیش نەزانییان.

وەلۍ سەبارەت بە دەسبەسەرکەرڎەی زانیا، قەرارێوە نهێنی سەبارەت بە دۊسیەکەی دریان و چەمپەنەکەوتەیش چەنی پارێزنەرا سنوورڎار کریان.

وەختوو دەسبەسەرکەرڎەکەی درێژ کریاوە

ڕاوبەراو پارتی دیموکراتوو گەلا (هەدەپە) زامین گۊکچە، ئیمروڵا شەنیوز و نورتن دەمیر بەرەبەیانوو هیزی جە ورکوای سەروو یانانە شارۊچکەو بەیلکدوزوی ئەستەنبوڵینە دەسبەسەرۍ کریۍ. ئانەیچ زانییان، کە ٣ کەسۍ کە سەبەبوو دەسبەسەرکەرڎەیشا نەزانییان، پەی بارەگاو پۊلیسوو ئەستەنبوڵی فاڕیێنێوە.

 جە کۊڵیایۊێوەنە کە قەراروو سنوورڎارکەرڎەیش سەر دریان تەسەور کریۊ ئارۊ پارێزنەرۍ چەنی موەکیلەکاشا دیدار کەرا و ماوەو دەسبەسەرکەرڎەیشا پەی ماوەو ٢٤ سەعاتا درێژ کریانۊ.