فەرماندەیی قەرارگەو ناوەندوو پارێزنای گەلی (نەپەگە)ی واتش، " کۊشیایی ئازاڎی، کە "ڕابەر ئاپۊ" جە نەورۊزنە دەسش پەنە کەرد، بە نامۍ پەکەکەی ئاشکرا بی و پڕۊسەکە نیم سەڎەش تەمامنا. ڕاپیمای "ڕابەر ئاپۊ"ی، ڕاپیمای نەورۊزین و پەکەکە کە "ڕابەر ئاپۊ"ی مەرزنارە، حیزبوو نەورۊزین. ئاویروو نەورۊزی، کە جە لاو کاوەو سەرڎەمی "مەزلۊم دۊغان"یوە جە زینڎانوو ئامەدینە کریاوە، جە کەش و دەشتەکاو کورڎسانینە پەی ئاویروو مدرامانی فاڕیا، هەنگام بە هەنگام زیادتەر وەڵا بییۊ  وبی بە مزانیی شکۊدار کە گەلەکەما جە قڕکەدرڎەیۊ پای جەنگی تاریخی هەنگامەش نییا. ئێمە جە کەسێتیی گەشمەرداو نەورۊزی گەورەیمانە "مەزلۊم، زەکیە، ڕەخشان، ڕۊناهی، بێریڤان و سەما"نە، کە بە تیژکەرڎەی ئاویروو نەورۊزی، خوڵقنەروو دابونەریتوو نەورۊزیمانە، بەڕێزۊ یادوو گرڎوو گەشمەرڎەکاما کەرمێوە. جەژنەو نەورۊزوو "ڕابەر ئاپۊ"ی، کە کۊشیای ئازاڎیماش بە ئاویر دەس پەنە کەرد، جە بنەیانەی بەڕێزوو گەشمەرڎەکاما، جە گەلوو قارەمانوو کورڎسانی، کە نیم سەڎەن بە جەنگ کۊشیای کۊشیا ، لە هامڕایاما گرڎوو مەیڎانەکانە دژوو گرڎ هجوومێوە دژوو ئینسانیەتی بە جەنگ و بە فیڎاکاری مدرامان کەرا، جە دۊسەکانما و گرڎوو ئا گەلا، کە  بڕواشا بە نەورۊزی هەنە، مەبارەک کەرمێ".

ئەرەیاوناکەینە ئامان، کە "ڕاپیمای ئازاڎیی تاریخیما، کە جە ساڵەو ١٩٧٣ "چوبوکوو ئەنقەر"ەینە جە لاو "ڕابەر ئاپۊ"یۊ بە ئەوەڵین کۊبییەیۊ دەسش پەنە کرد، بە نەورۊزوو ٢٠٢٣ ۍ ٥٠ ساڵۍ تەمامنۊ. چا دۊخە سەختەنە، کە حیچ ڕۊشنایی و هیوایۍ نەبۍ و فاشیزم دەسش، تێکۊ هەرمانەنە بۍ،  قووەی تاریخی "ڕابەر ئاپۊ" بە ئیرادێوە کاریگەروو ئینسانیوە دەسش پەنە کەرد، ئارۊ گرڎوو کورڎستانییش گێرتەنۊ و بییەن هومێدوو ئازاڎیی گرڎوو گەلە چێرڎەسەکا، ژەنا و گەنجایچ. گەلەکەما کە تاریخنە ڕووبەڕوو  هجووموو تاویایۊ، ڕەتکەرڎەیۊ، دلینەبەرڎەی و قاڕچنیەیۊ و ئەشکەنجەی دڕندانەی بییەنۊ، جە لاو پارتەکەیماوە "پەکەکە" سەرجەنۊ ژیوایش وەرەرەکریا و بی بە گەلوو نەورۊزی و وەراوەروو زوڵمینە مدرامان کەرۊ. کۊشیای ئازاڎیی کورڎستانیما، کە بە دەیان هەزار گەنجۍ قارەمانۍ کورڎی بە متەی ونێشا تا ئیساتۍ ئارڎەنشا و حەروەخت پێویس کەرۊ، لاشەیشا بەتنڎی تاوناوە، بە ڕاپیمایۍ بەبۍ دووەدڵی سەروو خەتەو سەرکەوتەی، ئاشکراش کەرد، کە پەکەکە پارتوو نەورۊزین. گەریلاکاو ئازاڎیی کورڎسانی، کە گرڎ ڕوۍ ساڵەو ٢٠٢٢ بە ڕۊحوو مدرامانی نەورۊزوو مدرامانیشا کەرڎۊ، وەراوەروو پەلامارۍ نائینسانانۍ سپاو داگیرکەروو تورکینە، کە گرڎ ڕەگەزێوە جەنگی و ئەخلاقیش پاشێل کەرڎەن، بە ئیراڎەی ئاپۊییوە مدرامان کەرا، گرڎ بستێوە خاکەکەیما پارێزنا. خەتەو ژەنۍ ئازاڎۍ،  کە لاو "ڕابەر ئاپۊ"یۊ بە بەکوڵی پێسە 'ژەنی، ژیوای، ئازاڎی' پێناسە کریێنە، ڕا مڎۊ کە ڕاسیی ژەنا، کە دلۍ چوار دیوارانە زینڎانی کریێنۍ و زنجیروو کۊیلایەتیشای پۊوەن و ئیراڎەکەش مەشناسیۊ، ڕووەبەڕوو ڕاسییی وێش بۊوە و بە ئاویروو نەورۊزی سەرەوردای گەورەو وێش یاونۊ یاگۍ،  پەی ئازاڎی سەرە ور بڎۊ و جەوهەری هەقەتینوو وێش دەس وزۊوە.

گەریلێکۍ ئازاڎیی کورڎسانی سەروو خەتۍ ئاپۊیێوە خێرامای نەورۊزی کەرا

گەریلاکاو ئازاڎیی کورڎسانی جە وەهاروو ٢٠٢٣ینە، سەروو خەتەو ئایدۊلۊژیای ئاپۊیینە وێشا بە ساعیبوو میراسوو کۊشیای گەشمەرڎە نەمرەکاما مزانا، سەروو خەتۍ ئاپۊییوە ڕاپیمای کەرا و بە قەرارۊ یاوا سەرەفرازی و خێرامای جە نەورۊزێوە تازەی کەرا. هێزەکێما کە جە سەرنیشتوو کورڎسانی و هەرێمەکاو پارێزنای میدیاینە بە تیمی پسپۊڕ، جە مەیڎان، تونێلەکا و سەنگەرەکاو جەنگینە دژوو ئەرەگیرا مدرامانی تاریخییشا نیشانە دا، خاکی مەبارەکوو کورڎسانی وەراوەروو ئەرەگیرانە، ئەرەگیری پەی قەڵاو مدرامانی فاڕا و دەسەڵاتوو زوحاکە زاڵمەکا بەدڵنیاییوە دمایی پەنە مارا.

گەریلاکاو ئازاڎیی کورڎسانی، کە جە خەتەو کۊشیای گەشمەرڎە نەمرەکاما بە ڕۊحی فیڎایی ئاپۊیی سەرکەوتەیشا کەرڎەن ئامانجشا، تا یاوا ئامانجەکەیشا کە ڕابەرایەتیی ئازاڎ و ئازاڎیی کورڎسانین، کۊشیای وێشا بە قەرارۊ درێژە مڎا پەنە.

فەرماندە نەمرەکێما جە مڎارامانوو ئی ساڵاو دماینە "سارا، ڕۊژبین، یاشارم شەڤگەر ئارژین، ڕۊزا، نەعمان، ڕاپەرین و دەلیل زاگرۊس" جە ڕاپیمای سەرکەوتەی ئاویروو نەورۊزینە، کۊشایشا گەش کەرد و جارێوە تەر نیشانەشا دا، کە ئیراڎە ئاپۊیی مەمەڕیۊ.

جارێوە تەر جەژنەو نەورۊزی جە گەلەکەیما و جە دۊسە وەشەویسەکاما بە ڕۊحوو سەرەوردای ئاویروو نەورۊزی مەبارەک کەرمۍ،  جە ساڵەی تازێن نەورۊزێنە، هۊمێدوو سەرکەوتەی پەی گرڎوو هێزەکاما بە ڕۊحوو سەرکەوتەی و کۊشیای ئازاڎی وازمۍ."

س.ز