فەرماندەیی قەرارگەو ناوەندوو پارێزنای گەلی (نەپەگە) ئەرەیاوناش، "ئا زوڵم، گوشار، ستەم، ئەشکەنجە، کۊیلایەتی و تاوانە  ئەرەگیریۍ، کە سەدان ساڵێن سەروو گەلوو کوردیرەسەپیێنۍ، جە سەدەی ویەرڎەنە بە زۊر و ستەمووو دەوڵەت – نەتەوەی فاڕیۍ پەی هجووموو پاکتاوکەرڎەی بە پلانە و سیستماتیک. کەشو هەواێوە وەشبییەن، کە وڵاتوو ئێمە کورڎسان دابەش کریا و گەلەکەما، کە دەیان ملوێن کەسێن بە نەبییە حسابش پەی کریان، نکۊڵی جە زوان، کولتوور و ناسنامەیشا کەرڎەن و دنیا وەراوەروو ئی دڕندەییە بێدەنگە بۍ. جە دژوو ئی دڕندایەتییە، کە جە سەدەی وەڵیننە دژوو گەلی کوردی کریا، مدرامانی فرە و چندین ئەرەپڕایۍ کریۍ،وەلێم سەرەڕاو ئانەی قارەمانیۍ شەخسیی فرە بەنرخۍ و گرنگێچ نیشانە دریۍ سەرنەکەوتەی و بووڵەو بێدەنگی و مەرگی  سەروو کورڎستانیرە وارا. چا بارودۊخنە، کە هۊمێدبڕیای و ناهومێدی بۍ، کوردایەتی پێسە ناسنامێوە، کە شەرمش وەنە کریۊ منیشانە دریۍ، هەرمانەی نەتەوەییە مەیسەرە نەبۍ و کۊشیای ئازاڎی پێسە وێکوشتەی وینیۍ، وەلێم نیم سەدە چێوەڵتەر "ڕابەر ئاپۊ" هەنگامێوە موعجیزەییەو و تاریخییەش نییا. "ڕابەر ئاپۊ" چا دۊخە کۊیلایەتی و نائومێدییە یاوانە، کە گەلوو کوردیش چەنە بۍ، جە زارۊڵەییوە یاوابێنە، جە دڵۊ هەستش بە ئێشوو گەلەکەیش کەرڎەبۍ، وەراوەروو ئی دۊخینە فرە تووڕە بۍ، هەست و هۊشوو وێش فاڕا پەی جمیەروو پەکەکەی، کە مانادارتەرین هەنگامەی تاریخییەو کورڎسانی بۍ و پا شێوە جوابوو ئا دۊخەیشە داوە".

پەکەکە بە گەشمەرڎەکاش و ڕاپیمایە شکۊمەندەکەیش، بی بە جمیەرێوی پاڵەوانانە و قارەمانانە

جە ئەرەیاوناکەو "نەپەگە"ینە ئامان:

"ڕابەر ئاپۊ دییش، کە ڕزگارکەرڎەی گەلوو کوردی چێروو چەقووەو کۊکوشی و سڕیەیۊنە هەرمانێوە ئاسانە نییەنە، ئاسان نییا بیەیشا پارێزیۊ و ئازاڎییشا مسۊگەر کریۊ. یاوانە، کە ئینە بە حەوڵێوە ئاسایی نمۍ دی و وانەی گەورەش جە تاریخوو کورڎستانیوە ور گێرت، پێسە ڕاپیمای ئەفسانەیی دەسش پەنە کەرد و بە ڕێک وزیا. ئا هەنگامۍ، کە "ڕابەر ئاپۊ" بە ڕۊحی فیداییانە دەسش پەنە کەرد بە چالاکیی قارەمانانەو کادرە وەڵیوەبییەکاو جمیەری ئاپۊیی کەردش بە نەریتوو کۊشیای، ئی نەریتەیچە بی بە خەتەو قارەمانیی گەشمەرڎا و ڕاو دۊزوو ئازاڎیماش بەرەو سەرکەوتەی دیارییە کەرڎە. بە هەنگامەو جمیەری ئاپۊیی کۊشیای و خەباتما جە سەرتاسەروو کورڎسانینە جە ئاستوو قارەمانێتینە فرە گەورە و وەرچەم بی، چندین یادەوەریۍ و یادگاریۍ گەورەۍ قارەمانانێش دلۍ وێشنە خولقنۍ، جە سەیەو ئانەینە یاوان ئی سەرڎەمە. چەنی مەرزیارەی پەکەکەی هەنگامەی قارەمانانۍ کەسییە جە تاریخوو کوردینە فاڕیا پەی ڕێکوستەی، ڕێکوزیای، بەرەووەڵیوەلوای و دەمودەسی، فیکر، هەڵوێس، نەریت و خەتەی قارەمانانێ؛ پەکەکە بە گەشمەرڎە گەورەکاش و بە ڕاپیماییە شکۊدارەکاش بی بە جمیەرێوە قارەمانانە، کە مۊرەو وێش نیا پۊو تاریخوو ئی نیم سەدەو وەڵێوە.

 گەلوو کوردی حەفتەو بەینوو چالاکیی گەورەو نەورۊزوو کاوەی هامچەرخ "مەزڵوم دۊغان"ی جە ٢١وو ئازاری و گەشمەرڎەبییەی فەرماندەی ئەفسانەیی گەریلاکاو کورڎسانی هامڕا عەگید "مەعسوم کۊرکماز" جە ٢٨وو ئازارینە بە حەفتەی قارەمانی مەبارەک کەرۊ. چالاکی و هەڵوێسی فیداییانەو هامڕایا "مەزڵوم" و "عەگید" یاگۍ و پایۍ وێش جە تاریخنە کەرڎەنۊ، بیۍ بە ئا ڕاسییە، کە سەروو بنەماو ئایدیۊلۊژیای ئاپۊیی بەرجەسە بی. جە دۊخێوە چانەنە، کە دەرفەتێوە نەبۍ، بە دڕندانەترین ئەشکەنجەو وێبەدەسۊدای سەپیا و ئینسانیەت بە شێوێوە دڕندانە سەرکوت کریابۍ، هامڕا مەزڵوم بە چالاکییەکەیش جە ٢١وو ئازاروو ١٩٨٢ێنە بی بە نەورۊز و خەتەو مدرامانوو پەکەکەیش دیارییە کەرڎە. فەرماندە هاوڕۍ عەگیدیچ بە خەتەو مدرامانوو مەزڵومەکا، کەمالەکا، خەیرییەکا، ساراکا و چوارەکێش یاونۍ کەشەکاو کورڎسانی، سەرمەشقبییەی پەی هەڵمەتەی گەورۍ ١٥و تەباخ (ئاب)ی کەرد و پی نۊعە سەروو بنەماو گەریلایی سەرکەوتەی ڕێبازوو جەنگی فیدایی دەسش پەنە کرد. جە کەسایەتیی کادرە سەرمەشقەکا پارتەکەیمانە "پەکەکە" و گەشمەرڎە گەورەکۍ هامڕا "مەزڵوم دۊغان" و "مەعسوم کۊرکماز" بە ڕێز و پەنەزانایۊ یادوو گرڎوو گەشمەرڎەکاما کەرمێوە و مەبارەکبایی حەفتەو قارەمانێتیی نەتەوەیی جە گەلوو کوردی و گرڎوو هامڕایاما کەرمۍ.

هاومڕێما "مەزڵوم" و "عەگید" سەرمەشقۍ و دەسچنۍ بێنی، کە ئیراڎەی ئازاڎانەو گەلیشا جە کەسایەتیی وێشانە سەیناوە،سەرمەشقییشا پەی کۊشیای ئێمە کەرد، فەرماندەییشا پەی سوپاو گەریلایما کەرد. بە چالاکییە قارەمانانەکەو "مەزڵوم"ی و "عەگید"ی ئارۊ کۊشیاکەیما سەرتاسەروو کورڎسانینە وەڵا بییەنۊ، سوپێوە فیداییەشا خولقنێنە بە ئازایەتی و یارایۍ بێهامتا و بیوێنە جەنگ کەرا. چالاکییە فیداییە گەورەکاو هامڕا "سارا تۊڵهەڵدان گۊیی و ڕوکەن زەلال"ۍ، کە جە ساڵەو ٢٠٢٢ێنە کەردشا و هەڵوێستی قارەمانانەو گەورەشا جە کەسایەتیی هامڕا "ڕۊهات، شەڤین، شارستان، ناڤدار، شەڕڤان، عەگید، ئاگر، فەداکار، مزگین، ڕوومەت، فەدایی، ئارمانج، ئەیلەم، ڤیان، ئاگر، ڕوستەم، میرزا، ماهیر، نالین، کۊچەر، هێزل، سیابەند، لاشەڕ، چیا، بەنەوش، ئەکین، باگەڕ، ئاڤزەم، دڵشێر، ئازاڎ، قارەمان، زاگرۊس، دیدار، ئۊزگور، زەمانی، زەرڎەشت، بەرفین، عادل، ئەحمەد ڕوبار، ئاڤاڕەش، ماسیرۊ، گوڤەن، ڤۊرین، سەحەر، ژیان، ئەڤیندار، ئەکین، دڵدا، شیار، ڕۊژهات، عەلی، باز، هەڵبەست، دۊغان، ڕۊژدا، کارکەر، بەرچەم، ژیندا، ڕۊناهی، ڕێزان، چایان، شاهین، سارا، دیرەن، ئارژین، ماردین، چەکدار، ئەزدا، تیرێژ، شاهۊ، ئادار، دیجلە، دیرەن، نوری، سیپان، ڕەحیمە، پڵنگ، ئاسۊ، ئەڤین، فواد، میرخان، بەدرەدین، ئایدین، ڕوبار، جگەر، ماوا، سەدات، دەلال، ڕابەر، مەزڵوم، روکسەن، باگەڕ، نەوزاد، عەگید، ئارمانج، ڕێوان، هێرش، مەم، بڵند، جوان، پەیمان، ئاگری، چاوەڕۍ، تۊپراک، میلیتان، نەژوان، سەرخۊبوون، سەما، ئەردال، دڵگەش، ئادار، حەقی،  ئەیلەم، مەدیا، ئامەد، بەنەوش، باران، ئاگر تل عوزێر، علی حەیدەر، گوکسو، ئاڤەند، تیرێژ، فەرمان، سەبری، ژنندا، هەڵمەت، دڵشێر ڕەقا، روژبین، سیلا، هارون، روکەن، شەڕڤان، ریناس، دەلیل، یاشار، ئارژین و شڤگەر"ینە زەق و بەرجەسە بیۊ، ور چەرخیا پەی ڕاپیمای سەروو خەتەو قارەمانی بە ڕۊح و ئیراڎەی فیداییانەو گەریلاکاو ئازاڎیی کورڎسانی. چالاکییە قارەمانییە گەورەکۍ و هەڵوێسی فیدایی هامڕایە گەشمەرڎا، جارێوە تەر نیشانەشا دا، کە خەتەی قارەمانانۍ ئاپۊییە مەمەڕیۊ.

ئێمە حەر بازنێوە گەشمەرڎەبییەی کەرمۍ بەهانۍ هەقسانایۊ و سەرکەوتەی گەورەی

بە نامۍ گەریلاکاو ئازاڎیی کورڎسانیوە، هۊشمەندی و هۊشیاریی باڵایانەو حیزبیوە بەدڵسۊزی پا ئامانجاوە، ڕەفاقەتی هەقەتین چەنی "ڕابەر ئاپۊ"ی و ڕۊحوو مدرامانی، کە هامڕا "مەزڵوم دۊغان" دیارییش کەرڎەن، بەدڵنیاییوە جە گرڎ شۊنێنە بۊ بە سەرمەشقوو کۊشیای پەیما. خەتەو هامڕا عەگیدی، کە نامێش باوڕ و پاگێرتەیرەین بە سەرکەوتەی ڕێبازوو گەریلای، یارای، دڵسۊزی سەرەمڕ و هەقەتین پەی خەتۍ ئاپۊیۍ، ڕۊحوو هجوومی و ڕاو سەرکەوتەینە و بەدڵنیاییوە ڕاو ئێمە بۊ. ئێمە خاستەر جە مانا و بەهاو یادی و ویرەوەرییەکاو هەڤاڵ "مەزڵوم"ی و "عەگید"ی میاومێنە، حەرگیز دماکەوتەی و پەیدمایلوایۊ قبووڵ مەکەرمۍ، یەکڕاس پەی وەڵۍ ملمۍ و گرڎ بازنە و ئەڵقێوە گەشمەرڎەبییەی، کەرمۍ بایسوو هەقسانایۊ و سەرکەوتەیۍ گەورەی، ئێمە سەرکەوتەی گەریلای کەرمۍ هەقەتین.

ئێمە بە شکۊی بەرزوو ئاویروو نەورۊزیوە ملمۍ دلۍ ساڵەی تازۍ کۊشیایۊ. پێسە گەریلاکاو ئازاڎی جە کەسایەتیی هامڕا "مەزڵوم دۊغان"ی و "مەعسوم کۊرکماز"ینە، سەرەو ڕێزی پەی یادوو گەشمەرڎاما کۊمنمێرە و قەرار مدەیمۍ، جە گرڎ هەلومەرجێوەنە درێژەپەنەدەرۍ ڕا و خەتەو گەشمەرڎا بیمۍ. ئێمە پی باوڕ و پاگێرتەیرەوە حەفتەی قارەمانی جە گەلەکەیما و هامڕایاما مەبارەک کەرمۍ، سەروو خەتەو "مەزڵوم"ی و "عەگید"ەکاوە کۊشییەیمۍ. سڵام جە گەلە وەڵاتپارێزەکەیما کەرمۍ، کە بە شکۊدارتەرین شێوە یادوو نەورۊزوو ڕابەرایەتیشا کەرڎۊ، سڵام جە مدرامانی قارەمانانە و ئازایانەو "ڕابەر ئاپۊ" جە ئیمرالینە کەرمۍ، سڵام جە گەلەکەیما کەرمۍ، کە پەشتیوانی جە قارەمانەکاش کەرۊو بە هینۍ وێشا زانۊشا".

س.ز