نەپەگە ئەرەیاۋناش کە خەتەو مدرامانو ١٤و تەمووزی ٤١ساڵېن خەتەو کۊشیای نەپەگەی دیاری کەرۊ و ئانەش وست ڕۋە کە ئاڎۍ پا هۆشمەنڎی و گیان و رێبازۊ جەنگ کەرا و دۆزو ئازاڎیی و بیەو گەلوو کورڎی بە دڵنیاییوە میاۋنا بە سەرکۊتەی.
فەرمانڎەیی قەرارگەی ناوەنڎی پارېزنا و گەلی (نەپەگە)ی گەشمەرڎۍ گۊرۍ ڕۊچۍ مەرڎەی ١٤و تەمووزیش بە ئەرەیاۋنېۋە یاڎ کەرڎېۋە.
ئەرەیاۋناکە پی جۊرەنە:
"جە ٤١ەمین ساڵیاڎو مدرامانی گۊرەو ڕۊچۍ مەرڎەی ١٤و تەمووزینە جە کەسایەتی سەرمەشقە نەمرەکا ئا مدرامانە تاریخیەو هامڕایا محەمەد خەیری دورموش، کەمال پیر، عاکیف یەڵماز و عەلی چیچەک-ینە گرڎو گەشمەرڎاما بە رێز و پنەزانایۊ ۋیر مارمېۋە. ئی چالاکییە پیرۆزە کە هۆشمەنڎی، خەتە و گیانو مدرامان و کۊشیای ئازاڎیی نیم سەڎەیماش خوڵقنا، ڕابەر ئاپۆ کە هامڕایا مدرامانی گۊرەیش خوڵقنۍ و هەڵۋێسو ئینسانیەتی ئازاڎی کە ٢٥ ساڵېن جە سیستمو ئەشکەنجەو ئیمراڵینە مدرامان کەرۊ، بە رێزو ئیحترامۊ سڵامش ۋنەکەرمۍ. ۋەعدو ۋېما واوەی کەرمېۋە کە ئا هەڵۋێس و مدرامانە، رۆح و هۆشمەنڎیا، رێبازو ژیای و ئەرەکۊشاین مشۊم جە گرڎ وەختو یاگېۋەنە بە زینڎەی بازمېشۊ و بیاۋنمېش بە سەرکۊتەی.
ڕۊو شکۆمەنڎی نەتەوەیی جە گرڎو هامڕایا مبارەک کەرمۍ
دەوڵەتو فاشیستی تورکی جە کەسایەتی کادرەکا پەکەکەینە جە زینڎانی ئامەڎینە قورستەرین ئەشکەنجەی دژە ئینسانیش سەرو کورڎارە سەپنا، پۍ ئانەی جە نرخ و شناسنامەو ۋېشا دوورشا وزۊۋە هجومش ئەنجامدا. جە ۋەران ۋەر پا هجومایچە مدرامانی گۊرە نیشانەدریا. مدرامانی گۊرەو ڕۊچۍ مەرڎەی ١٤و تەمووزی دلۍ فشاری، ستەمی و ئەشکەنجەی نا ئینسانانە جە زینڎانی ئامەڎی، پەی پارېزناو شناسنامە و شکۆمەنڎی بە هۆشمەنڎیۊ گیانو ۋېشا بەخشا. مدرامانۍ فرە گۊرە و تاریخیا کە شێوازو مدرامانی و گیانی فیدایی ئاپۆییش نیشانەدا و کەرڎەنش بە خەتۍ. دلۍ نەبیەو دەرفەتی و حەرپاسە بیەو ئەشکەنجەی وەحشیانەینە هەڵۋێسو سەرکۊتەی گیانی فیدایی ئاپۆییش دەسنیشان کەرڎ. ئا مدرامانە تاریخیە کە جە کەسایەتی کادرە سەرمەشقەکا پارتیمانە نیشانەدریا، هەیمەنۍ فرە گۊرەش بە گرڎوو هامڕایا و گەلوو کورڎی بەخشا. ١٤و تەمووزی جە هەمان وەختەنە پېسە ڕۊو شکۆو نەتەوەیی ماناڎاربۍ. ڕۊو شکۊمەنڎی نەتەوەیی جە گەلوو کورڎی ۋڵاڎپارێزی، هامڕایاما جە زینڎانەکانە و گرڎو مېڎانەکا کۊشیای مبارەک کەرمۍ.
"خەتەو مدرامانو ١٤و تەمووزی ٤١ ساڵېن ڕانیشاندەرو ئېمەن"
خەتەو مدرامانو ١٤و تەمووزی کە بی بە مەڵامەتو ئانەی گەریلاکۍ ئازاڎیی کورڎسانی گېڵاۋە پۍ ۋڵاتی و هەڵمەتەو ١٥و تەباخی سازکریۊ، ٤١ساڵېن ڕانیشاندەرو ئێمەن، خەتەو کۊشیای ئێمەیش دیاریکەرڎەن. گەریلاکۍ کە کۊشیایشا بە گیانېۋە فیدایی ئاپۆیی پۍ ۋېشا کەرڎەن بە ئاژېۋە بېگېڵایۊ ژیای شۆڕشگێڵی، ئارۊیچ بە رێبازو ١٤و تەمووزی ۋېڕاگری کەرا. هەڵۋێسو گەریلای جە سەرنیشتوو کورڎسانی، مدرامانی ئەفسانەیی هەرېمەکا پارېزناو مەدیاینە بە تایبەتی جە زاپ، ئاڤاشین و مەتینا بە رۆح و هۆشمەنڎی ١٤و تەمووزیۋە ئەنجام دریا. ئیراڎېۋە جە بن ناما ۋەران ۋەر بە دوژمنی گېرانە ۋەر، حەتا دما هەناسەشا سازش سەرو قارەمانی مەکەرا و گەشمەرڎۍ با. جە کەسایەتی هامڕا خەبات کۆپی و زانا رۆژداینە مدرامانۍ ئەفسانەیی نیشانە مڎا کە دۋۍ گەریلۍ سوپېۋەشا مرڎنا، ۋەران ۋەر بەگرڎ جۆرە تەکنەلۆجیېۋە مرڎېۋە، پەناگەکەشا کەرڎ بە قەڵایېۋە گۊرۍ مدرامانی و ۋەران ۋەر بە دوژمنی و مەرڎەی مرڎېۋە. ئی هەڵوێستە پېسە دماین نوێنەرا هەڵوێسی قارەمانی گەریلای کە ۋېش مەڎۊ دەسۊ و درێژەو ئا خەتېنە، لۋان دلۍ تاریخو کۊشیایماۋە. دوژمنی کۊکوشکاری کۆلۆنیالیست بە تەکنەلۆجیای جەنگی دژە مرۆڤایەتی، بە بۆمبی قەڎەغە کریا و چەکی کیمیاۋیچ هجوم کەرۊ، هێزی خایین و دەسکەلۍ دەسیچ بەکاربارۊ، حەتا گەریلاکۍ ئازاڎیی کورڎسانی پی هۆشمەنڎی، گیان و رێبازۊ کۊشش کەرا، دۆزو ئازاڎیی و بیەی گەلەکەیما سەرگنۊ و ئینە سەلەمیان.
"ئێمە سەرو رێبازو گەشمەرڎاما و مدرامانی گۊرەو ڕۊچۍ مەرڎەیۊ ڕاکەرمۍ"
پېسە ئانەی تا ئیسە کەرڎەنما، جە ئیسە بەدمایچۊ ئێمە سەرو رێباز و رێچکەو گەشمەرڎا مدرامانی گۊرەو ڕۊچۍ مەرڎەی ١٤و تەمووزیۊ ڕا کەرمۍ، پا رێبازەی ئاڎیشا ۋەشکەرڎەن کۊشیەیمۍ، وەعدو ۋېما واوەی کەرمېۋە کە ئامانجەکا گەشمەرڎەکاما بیاۋنمۍ بە سەرکۊتەی. پېسە گەریلاکا ئازاڎیی کورڎسانی ئەرەیاۋنمېش کە ئاڵاو مدرامانی کە جە گەشمەرڎاماوە هۊرگېرتېنە، بە ئاخېزو ئازاڎیی کورڎسانی تاجدارەش کەرمۍ، پا قەناعەتۊ بە سەرکۊتەی سڵام جە گرڎو گەلە ۋڵاڎپارێزەکەیما کەرمۍ".
هـ . ش
