پرۆفیسۆرە نەسرین ناسە ئاماژەش پانەی دا چنی بانگەوازییەکەو ڕابەر ئاپۆی پرۆسەکە پڕانۆ پەی قۆناغێوە تەری، بەڵام مشۊم پرۆسەکە بە ڕۊشنی بلۊڕاوە و واتش: "مشۊم پرسەکە وزیۆنە ڕۆژەڤو پەڕلەمانیوە و بە ئەرەمەرزنای کۆمیسیۆنێوە نەخشەڕاو ئی پرۆسەیە مجیۆرە."

پرۆفیسۆر نەسرین ناسە یوەنە جە ئیمزاکەرا داواکەردەو 'بێدەنگ کەردەو چەکی و دەس پنەکەردەو پرۆسەو ئاشتی و دیموکراسیی' کە جە ١٤و کانوونو یوەمو ٢٠٢٤نە جە ئەستەنبوڵەنە وەڵاکریاوە، دەربارەو داواکارییەکەو ڕابەر ئاپۆی و گفتوگۆ بەردەوامەکێش جوابو پرسیارەکا ئاژانسمانیماش داوە.

نەسرین ناسە یاڏ وستیمێ دماو هەنگامەکەو سەرۆکو گرڏی مەهەپەی و دۆڵەتو باخچەلییۆ کەوتێنێ دلێ هەرمانێ و جوڵەیۆ، هەرپاسە دەقو بەیاننامە وەڵاکریاوەکە پەی ئیمزا کەردەین و واتش بەمەبەسو ئانەی پرسو کوردی بەشێوێ هەمیشەیی چارەسەر کریۆنە، دەسشا پی هەرمانێ کەردێنە، وە بەردەوامێ بانە جە هەرمان کەردەیشا تا ئاکاتەی پرۆسەو ئاشتی ئەنجام هورگێرۆنە.

نەسرین ناسە ئاشکراش کەرد ئا پێشئامایێ ئینێ ئارانە جە دەقەکەشانە یاگێ گێرۆنە و ئینەش وات: "بەشێ جە حکومەتی پینەیە مەواچۆنە 'پرۆسە' یان ماچۆ ئینە پرۆسەو ئاشتین یان چارەسەری نییا. پینەیە ماچانە 'تورکیای بێ تیرۆر'. حکومەت ماۆنە، 'با چەک نریۆرە، بەیدێ و تەسلیمێ بیدێ' و بڕێ جارێش بە واتەو 'یان چەکەکاتا بنیەیدێرە یانیش ئانەن چنی چەکەکاتا منییەیمێتا' هەڕەشێ مکەرۆ."

مشۆم ئی بابەتە گنۆنە ڕۆژەڤو ئەنجوومەنیۆ

نەسرین ناسە ئاماژەش پانەیەدا چنی داواکارییەکەو ڕابەر ئاپۆی پڕۆسەکە لوان پەی ئاستێوە تەری و دەسنیشانش کەرد مشۆم پرۆسەکە بە شێوێ ڕۆشن بلۆ ڕاوە و واتش: "ئۆجالان جە پڕۆسەو چارەسەری وەڵینینە سەرنجش وستەن سەرو ڕۆتینیەتی و واتەنش پەنەوازا پەڕلەمان دەورو وێش گێڵنۆنە، بەڵام هەڵای ئی پڕۆسە بە شێوێ ڕۆشن مەلۆنە وەڵێ. تاوەکو ئیسەیچ جگە جە (ÎYÎ Part) حیچ پارتێ کە فراکسیۆنشا جە پەڕلەمانەنە هەن جە دژو ئی پڕۆسەیە نەمردانۆ. پەنەوازا ئی بابەتە گنۆنە ڕۆژەڤو پەڕلەمانی و بە ئەرەمەزنارەو کۆمیسیۆنێ نەخشەڕاو ئی پڕۆسەیە مچۆرە. هەرپاسە پەی گلێرگە بییەو ئی بابەتەیە، پەنەوازا پارتە سیاسییەکێ دەورو وێشا گێڵنانە."

کۆمەکی دەم پارتی مەگێرۆوە

نەسرین ناسە ئاماژەش پانەیش دا گلێرگەی مەدەنی متاوۆنە فرەو چێوی بکەرۆنە، بەڵام پەنەوازیش بە زانیاریی ۆشنتەر هەن و واتش: "گرڏ ئەرکێوە بە گلێرگەیی کەردەو ئی پڕۆسەیە ئینا ئەستۆو دەم پارتینە. پارتەکێ سەرەڕاو ئانەی پشتگیری مکەرا وەرو ئانەی جە ناوەڕۆکەنە پرسەکا مەزانا، بە شێوێ وسیارە نزیکێ باوە. ماچۆنە ئەر پرسەکە بلۆنە ئەنجوومەنۆ، ئانە هەر چێوێ پەنەواز بۆنە مکەراش."

نەسرین ناسە ئاماژەش پانەیە کەردە مشۆم دەسەڵاتداری دەس جە سیاسەتو دووژمنایەتیکەردەو ئۆپۆزسیۆنی هورگێرۆنە و مشۆم پڕۆسەکە ڕۆشن کریۆوە، و واتش: "مشۆم گرڏو پارتەکا ئۆپۆزسیۆنی، نوسینگە یاساییەکێ، سەندیکا، نویسەر، ڕیشپیان لایەنو ئا نەخشەڕێ گێرانە کە ئینا ئارانە و پەی ئاشتی هەوڵدانە."