نوێنەرایەتیی هەدەپەی هەولێرنە بارەو تیرۆروو عەبدولقادر سەبری تۆپراکیوە بارەگاکەشانە هەولێرنە ئەرەیاوناێوەش وەڵا کەردۆ. ئایدن ئەحمەد ئەنداموو هەدەپەی دلێشنە واتش: " کردەوە تیرۆریستییەکاو ئەردۆغانی و دەوڵەتوو تورکی دژوو ئازادیوازا پانیشتوو کوردستانینە بەردەوامێنێ، بەڵام وەرپەرسێ و حکومەتوو هەرێمی وەراوەرنە هیچ هەڵوێستێوەشا نیشانە نەدان.

ئایدن درێژەو قسەکاشنە واتش: "هاموەڵاتاو سەرنیشتوو کوردستانی بۆنەو فشارەکانی حکومەتوو ئاکەپە-مەهەپەیۆ ڕوورشا نیێنە هەرێموو کوردستانیوە و سەبری تۆپراک یۆ چانیشا بییەن، کە ماوەو ١٢ ساڵان چەنی ژەن و زارۆڵەکەیش سلێمانیینە ژیوێ. بەڵام هیزی دەوڵەتوو تورکی تێرۆر کەرد. کوشتەی وەڵاتپارێزناو کوردی لاو دەوڵەتوو تورکیوە بەردەواما، تا ئیساتێ ٧ ئەندامێ ئێمە شاروو سلێمانیینە کوشیێنێ. جگە چانەیچە شاروو هەولێری و دهۆکینە خەڵکوو سەرنیشتوو کوردستانی تیرۆر کریۆ، پەوکای پێویسا حکومەتوو هەرێمی و لایەنە پەیوەندیدارەکێ هەوڵێ جیددیێ بدا پەی مردنای هجوومەکا. ئەردۆغان و دەوڵەتوو تورکی نەک هەر هەڕەشێ وەنەو کوردو سەرنیشتوو کوردستانی کەرا، بەڵکوم هەڕەشێنێ پەی سەروو گردوو گەلوو کوردی. هاموەخت سەبری تۆپراک تیرۆر  کەرا و هجووم کەرا سەروو وەرنیشتوو کوردستانی و شەنگالی. ئینەیچە ئانەیە سەلەمنۆ کە دەوڵەتوو تورکی دوژمنوو گردوو گەلوو کوردین."

ئایدن لە درێژەنە داواش وەنەو گردوو ئازادیوازاو پانیشتوو کوردستانی کەردە، کە ڕا نەدا خاکوو کوردستانی بۆ بە  مەیانی تیرۆریستیی دەوڵەتوو تورکی، دەوڵەتوو تورکی نمەتاوۆ ئیرادە و ئازادیی گەلوو کوردی ماڕۆ، پەی ئینەیچە هجوومێ تیرۆریستێ دژوو کۆشەرا و چالاکییەکاشا کەرۆ."