نوێنەرایەتیی پەیەدە سلێمانیینە، کۊکوشکەرڎەی گەنجاو کوردیش جندرێسوو عەفرینینە جە شەوەو نەورۊزینە شەرمەزار کەرد، بانگەوازش جە ئەنجوومەنوو ئاسایشوو میاندەوڵەتی کەرد، کە جە دژوو دەوڵەتی ئەرە گیروو تورکی هەڵوێسش بۊ.
نوێنەرایەتی پارتوو یۊبییەی دیموکراتی (پەیەدە)ی سلێمانینە، بارەو کۊکوشیی ٢١وو ئازاری جندرێسێنە لاو چەتەکاو سەر بە دەوڵەتی ئەرەگیروو تورکی، کۊنفڕانسێوە ڕۊنامەنویسیش گێرت و کۊکوشییەکەش شەرمەزار کەرد.
کۊنفڕانسە ڕۊنامەنوسییەکەنە "جاویدان کەمال" نوێنەروو پەیەدەی ئەرەیاوناێوەش واناوە. "جاویدان کەمال" کۊکوشیی سەروو کورداش شەرمەزار کەرد و واتش، " ئێمە بانگەواز لە ئەنجوومەنوو ئاسایشوو میاندەوڵەتیی سەر بە نەتەوە یۊگێرتەکا کەرمۍ، کە وەرپەرسیی وێش بەیاگۍ بارۊ و ڕاگێری جە ئەرەگیرکاریی دەوڵەتوو تورکی و چەتەکاش جە "عەفرین، گرۍ سپی، سەرێکانی و هەرێمەکا تەروو سووریا"ی کەرۊ کە زووتەرین وەختنە دەسوەردای کەرۊ.
"جاویدان کەمال" نوێنەروو پەیەدەی ئەرەیاونایچش، کە تا هەرێمۍ و شارەکێشا لاو دەوڵەتی ئەرەگیروو تورکیوە گیریۍ با، کۊشیایشا درێژەش بۊ.
دەوڵەتی ئەرەگیروو تورکی و چەتەکێش، مەنتێقەو جندرێسووعەفرینینە، چوار کورڎێشا کۊکوش کەرڎێ، کە گەرەکشابۍ ئاویروو نەورۊزی کەراوە.
س.ز
