چەنی نزیکبییەیۊ سەروو ساڵۍ کورڎیۍ، مەراسیموو مەبارەکبایی نەورۊزی جە سەرتاسەروو کورڎسانینە دەسش پەنە کەرڎەن، کەرکووکیچنە ئاهەنگوو مەبارەکبایی بە شەوقوزەوقێوە فرەوە لوا ڕاوە.

مەبارەکباییەکە بە دروشموو "نەورۊز ڕەمزوو شۊرشوو گەلان، پەی مەنەیۊ و ژیوای و ئازاڎی" جە سەعات ٢:٠٠ دمانیمەڕۊیۊ دەسش پەنە کەرد. جە حەرچوار پارچەو کورڎستانیوە بە سەڎان کەسۍ بەشڎارییشا جە مەبارەکباییەکەینە کەرد.

مەیڎانەکەنە ڕسمەکاو "ڕابه‌روو گه‌لوو كوردی "عه‌بدوڵڵا ئۊجەلان" ڕسمۍ گەشمەرڎا، عەلەمەکاو ته‌ڤگه‌روو ئازاڎی و ڕه‌ژاكی ورۍ دریۍ، دماو بە بێدەنگیی مردای دەقێوە پەی ڕۊحوو گەشمەرڎا، بنەیانەو گەشمەرڎا ئاویروو نەورۊزیشا کەرڎۊ، مەیڎانەکەنە بۍ مردای درووشمه‌كاو "بژیوۊ سه‌رۊك ئاپۊ" و "نه‌ورۊز مەبارەک بۊ"ی وچیێوە‌.

 کۊمیتەو ئاماده‌كاری جە لاو "کۊمەڵ سەرمەد" هامسەرۊکوو ئەنجوومەنی هەرێمی کەرکووکوو‌‌ "تەڤگەروو ئازاڎیی گلێرگەو کورڎسان"یوە ونیاوە، "کۊمەڵ سەرمەد" ئەوەڵۊ نه‌ورۊزش جە بنه‌یانەو گەشمەرڎا مەبارەک کەرد، جە پێكئامایەکاو كه‌ركووكی و جە گرڎلاێس مەبارەک کەرد، و واتش"هومێد کەرمۍ ئی نەورۊزە بۊ بە نەورۊزوو پێوەژیوای و ئاشتی و ئازاڎی".

دماتەر گرووپوو گەشمەرڎە "سەرحەد"ی لوۍ سەروو سەکۊی و خەڵک کەوت ورپڕای و وەشیبەروستەی، تەسەور کریۊ تا وەڵی وەرنیشتی وەشییەکە درێژە کێشۊ.

س.ز