نەورۊزوو لووتکەی "گەورە"و ٢٠٢٣ جە ئامەدنە بە دروشموو "گرڎیاگۍ نەورۊز، دایمە ئازاڎی"  دەسش پەنە کەرڎەن. چالاکیی جەماوەریی نەورۊزی ئینا جە پارکوو نەورۊزی مەنتێقەو ڕێزانوو ئامەدنە.  سەکۊو چالاکییەکەی بە ڕەنگی سیاو ڕازیانۊ و پۊستەرێوە کە سەرشو نویسیان "نەورۊز مەبارەک بۊ" پۊشۊ ور واسیان.

حەرپاسە پۊستەروو "ژینا ئەمینی"ۍ کە سەرشۊ نویسیان "بە تاڵوو قژاو ژینا ئەمینییۍ کۊشیای ژەنا بەرزتەر کەرمێوە" و پۊستەروو "کەمال کورکوت"ی کە سەرۊش نویسیان "کەمال کورکوت مەمرۊ" مەیڎانەکەنە ورۍ واسیێنۍ.

 مەیڎانوو نەورۊزینە چندین لافیتۍ جیاوازۍ و جۊراجۊرۍ ورۍ واسیێنۍ. ژەنی و گەنجۍ بە جلوبەرگی نەتەوەییوە بەشدارییشا جە مەراسیمەکەینە کەرڎەن.

گەنجۍ گۊششا بە ڕاگێرییەکاو پۊلیسی نەدا

ڕێوبەرایەتیی پۊلیسوو ئامەدی ساڵەی ویەردۍ حەوڵۍ ئاژاوەگێڵنای و هەرمانۍ تێکدەرانێشا مەیڎانوو نەورۊزینە دا.  "عەموودێ" تێلێشا بە بەرزیی ٥ مەترا بەینوو سەکۊکەی و مەیڎانوو نەورۊزینە نیێرە. گەنجۍ بە لافیتۍ و عەلەمەکاشاوە بە عەموودەکارە ورۍ وەستۍ و بە دروشمۍ ئاسایشوو ئامەدیشا شەرمەزار کەرد. پۊلیس هەوڵێش دۍ هجوو کەرۊ سەروو گەنجا، وەلیم نەتاواش پێسە گەنجا یاوۊ بەرزیی ٥ مەترا و دەسشا یونۊ لا.

داواو ئازاڎیی "عەبدوڵڵا ئۊجالان"ی کەرا

ژەنی و گەنجۍ جە مەیڎانوو نەورۊزینە تووڕەیی وێشا، سەروو گۊشەگیریی سەروو ئیمراڵیوە بەر وست و درووشمەکانی "بژیوۊ سەرۊک ئاپۊ" و "بۍ سەرۊکی ژیوای مەبۊ"ی ماچاوە.

پرۊتۊکۊڵوو نەورۊزی

ئانۍ کە یاگۍ وێشا پرۊتۊکۊڵوو نەورۊزینە گێرا پێسنێنێ: بەردان ئۊزتورک هامسەرۊک- کۊنگرەو گلێرگەی دیموکراتیکی (کەجەدە)، ساڵحە ئایدەنیز هامسەرۊکی گرڎینوو پارتوو هەرێمە دیموکراتییەکا (دەبەپە)، میدحەت سانجار هامسەرۊکی گرڎینوو پارتی دیموکراتیکوو گەلا (هەدەپە)، چیدەم کلیچگون ئوچار هامسەرۊک- پارتی چەپی سەوز، بەیجان تاشکران یاگەگیرەو هامسەرۊکوو پارتی سۊسیالیسوو بندەسان (ئەسەپە)، یوکسەل گەنج سەرۊکوو دەسەو ڕاوەبەریی سامەر (SAMER)، سزگین تانریکولو، ئۊزتورک تورکدۊغان هاوسەرۊکۍ گرڎینوو کۊمەڵەوو مافی مرۊڤی (ئیهەدە)، ئەنجووومەنی ئەڎایاو ئاشتی، شوکران کابلان یەشیل هامسەرۊکی گرڎین- کۊنفیدراسیۊنی سەندیکاری زەحمەتکێشاو کەرتی گرڎینی (کەسک)، دەسوەڵێوزیی بنەیانەکاو ٥وو حوزەیرانی و بنەیانەکاو پرسوس، پارتی کرێکارانوو تورکیای (تیپ) و پارتی ڕەنج (ئەمەئەپە).

مێمانە تایبەتەکاو نەورۊزی

مێمانە تایبەتەکاو نەورۊزی حەریۊ جە: "فەرید شەنیاشار لە بنەماڵەی شەنیاشار، باشاک دەمیرتاش هاوژینی هاوسەری گشتیی پێشووی هەدەپە سەڵاحەدین دەمیرتاش، زەینەب مزراکلی هاوژینی هاوسەرۊکی شارەوانیی گەورە شارەوانیی ئامەد سەلجوق مزراکلی"ینۍ.

هاموەخت "مەد توهاد-فەد" (MED TUHAD-FED)، کۊمەڵەو مافئشناسا پەیئازاڎی (ئۊهەدە)، کۊمەڵەو پیر سوڵتان عەبدال، مەد - دەر، ئەنیستیتۊو کوردی، کۊمەڵەو ژەناو ڕۊزای، ئامەدسپۊر، سەرۊکوو کۊمەڵەو پارێزەراو ئامەد ناهید ئەرەنی، سەرۊکوو ژووری بازرگانی و پیشەسازی محەمەد کایا و سەرۊکوو لوجنەو ڕاوەبەریی گونسیاد (GUNSÎAD) نوروڵا ئەدەمەن" ئینۍ پرۊتۊکۊڵەکەنە.

حەرپاسە پێشکەشکاریی ئاهەنگەکەی لاو هونەرمەند "دەڤریم دەمیر" و ئەکتەروو شانۊی "ئۊزجان ئاتەش"ی ملۊ ڕاوە، ئاهەنگەکە دماو مردای دەقێوە پەی ڕێزگێرتەی جە گەشمەرڎا دەسش پەنە کەرد.

سەرۊکوو کۊمیتەو ئامادەکاریی نەورۊزوو ئامەدی و هامسەرۊکەو هەدەپەو ئامەدی "گوڵستان ئاتاسۊی" جە مەیڎانوو نەورۊزینە بە زاراوەکاو کرمانجی و زازکی نەورۊزش مەبارەک کەرد و واتش: "من نەورۊزوو هامڕایاما "دەنیز پۊیراز" و "ناگەهان ئاکارسەل"ی مەبارەک کەروو.

س.ز