وەزارەتوو دادی ماچۆ ڕابەرو گەلو کوردی عەبدوڵا ئۆجالانی ئیسفادەش جە مافەکاش ورگێرتەن، نویسیگەو یاسایی سەدەی بە وەزارەتەکەی ماچۆ: " ئاشکراش بکەردێ، پی دماییە کەی دیدار لە ئیمراڵیینە کریان".
پەرلەمانتاراو پارتو یەکسانی و دیموکراسیی گەلا (دەم پارتی) پەی ورگێرتەی گۆشەگیریی سەروو ڕابەرو گەلو کوردی عەبدوڵا ئۆجالانی و دیدارش چەنی بنەیانەکەیش و پارێزنەراش، جە ٧و کانوونوو یوەمو ٢٠٢٣ سەرێ سەرۆکایەتیی کۆمیسیۆنو ئەوەکۆڵیای مافەکاو ئینسانو پەرلەمانیشا دا. ڕاوەبەرایەتیی گردینو زیندانەکا جە جوابوو داواکارییەکەینە بانگەشەو ئانەیە مکەرۆ، ڕابەرو گەلو کوردی عەبدوڵا ئۆجالان کە ٣٨ مانگێن زانیارییش بارەوە نییا، مافەکاو وێش بەکارمارۆ.
نویسگەی یاسایی سەدەی سەرو میدیای دیجیتاڵیوە جوابو وەزارەتیش داوە و ماچۆ: "داوا وەنەو وەزارەتو دادی و ڕاوەبەرایەتیی گردینو زیندانەکا مکەرمێ، ئاشکراش بکەرا، پی دماییە کەی دیدارو بنەیانەی و پارێزنەرا ئیمراڵیینە کریان".
