جە شارو پاوەی، جە دمای بێهوایی جە دەوڵەتی،  خێرۆمەندێ شارەکەی کەمپەینشان پەی ئەسانای کەلوپەلی پەی چارەسەرگا (نەوەشخانە)و قودسی جە شارەکەشانە ڕێکوست. 
جە کەمپەینەکە چەنڎین ڕوێن بەردەوامەن، دەیان خێرۆمەندێ هەر یۆ بە بڕێ پوڵ بەشدارێش بیێ. بە بە ئا جۆرە کە ڕێکوزێ کەمپەینەکەی ئاشکراشان کەردەن، تا ئیسە زیاتەر جە نیم ملیار (٥ ملیۆن) تومانێ کۆکریانەوە و وزیان سەرو ژمارە حسابێبی بانکی کە ئەنجومەنێ جەخێرۆمەندەکان سەرپەرشتیش مکەرانێ.
ڕێکوزێ کەمپەینەکەی زانیاریشاندان، بە ئا بڕە پوڵیە کە کۆکریانەوە، دەستگاو ڕادیۆلۆژی دیجیتاڵی پەی نەوشخانەو قودسی بسانیۆنە تا جە ڕاشەوە نەوەشییە جۆر بەجۆرەکێ بە خێرایی دیارێ و دەستنیشانێ بکریانێ و مەردومو پاوەی و بەشێ جە هەورامانی ناچارێ نەبانێ بشانێ کرماشان و تاران و پوڵێوی فرە خەرج بکەرانێ.