جە کۊڵانەو مەلونی پاریسو پایتەختو فەرەنسای بە سەرمەشقایەتی جمېیەرو جوانا شۆڕشگێڵنو (تەجەشە)ی پەی شەرمەزارکەردەی پیلانگێڵنی مېیاننەتەوەیی  ١٥و شوباتی دژو ڕابەر ئاپۆی، ڕاپیمایێ بە شۆڵەچراویۆ لوواڕاوە.

چالاکییەکە ۋەردەمو وێستگەو مەلونی دەسشپنەکەرڎ، ئەنجوومەنو گەلوو کوردو ئێڤری پاڵپەشتیش جە چالاکییەکەی کەرد، جە مېیانو ڕاپیماکەینە لافیتەو "هەزاران سڵامۍ جە ڕابەر ئاپۆ"ی بەرزکریاوە و یۆ جە پەرلەمانتارا پارتو چەپو مەلونی بەشداری ڕاپیماکەیشا کەرد و ئەرەیاۋناش کە جە نزیکۆ شۊنیرە لوای پەی پرۆسەو چارەسەری مکەرا.

جوانۍ کە بە جۆش و خرۆشۆ بەرەو مېڎانوو پلاسی ڕاپیمایشا کەرڎ ، پەی یاڎو کۆمکوژی هاموڵاتیا مەدەنی بەنداوو تشرینی و گەشمەرڎا ئازادی کوردەسانی بە دەیەقێوە بێدەنگی ڕێز گیریا.

جەچالاکییەکەنە بە نامۍ جواناوە بەیاننامېوە ۋنیاوە و ئاماژە پانەی کریابۍ: "ئێمە جوانۍ ڕابەر ئاپۆینمۍ چېش ڕووە مڎۆ با ڕووە بڎۆ ئێمە ئینایمۍ چنی ڕابەرایەتیما". جە ئەرەیاۋناکەینە ئاماژە پانەی کریان کە بەشداریی بەهێز جە پرۆسەکەنە دەسو ڕابەر ئاپۆی بەهێزتەر مکەرۆ.

دماو بەیاننامەکەی، جوانەکۍ داواو بەشداربیەیشا جە ڕاپیمای گۊرەو ستراسبۆرگینە کەرد کە جە ١٥و شوباتینە ملۆڕاوە و جەختشا چانەی کەرڎۆ کە پەنەوازا گرڎ جە ڕوۍ چامنە گرنگەنە بەشداری چالاکیی ستراسبۆرگی بانە.

چالاکییەکە بە واتەیۆ دروشمەکا "بژیۋۆ ڕابەر ئاپۆ" و "بێ سەرۆکی ژیۋای نمەبۆ" دمایش ئاما.