پاریسنە پەی ڕابەروو گەلوو کوردی ڕاپیمای کریا
کوردستانیێ وەردەموو شارەوانیی کۆربێلینە کوێ بیێوە، پەی چارەسەروو ئا قۆرتا کە یاوێنێ بنبەس، داواو ئازادی جەسەیی ڕابەروو گەلوو کوردیچ عەبدوڵا ئۆجالانیچشا کەردە.
کوردستانیێ پەی ورگێرتەی گۆشەگیری سەروو ڕابەروو گەلوو کوردی عەبدوڵا ئۆجالانی پاریسنە ڕاشا پیما.
ڕاپیمایەکەنە درووشموو"بژیوۆ سەرۆک ئاپۆ"ی و "بژیوۆ مدرامانوو گەریلا"ی و "بژیوۆ مدرامانوو زیندان"ی بەرزێ کریێوە.
دماو ڕێزگێرتەی جە یادوو گەشمەرداو ئازادیی کوردستانی، چند قسێوە پێشکەشێ کریێ.
ئاماژە کریا، ڕابەروو گەلوو کوردی عەبدوڵا ئۆجالان چارەسەری دیموکراتیکش پەی پەرسەو کوردی وستێنە ڕووە، بەبێ کۆبییەیۆ چەنیش ئاشتی و ئارامی نمێ دی، ئەوەخوای کریانۆ بە ورگێرتەی گۆشەگیری گردوو جەنگی و قۆرتەکاو وەرکەوتوو دلێ حەلێ با، تاکە ڕاو چارەسەریچ جە فیکری دیموکراتیکوو ڕابەروو گەلوو کوردی عەبدوڵا ئۆجالانیوە سەرچەمە گێرۆ.
ئینجا جەخت کریاوە سەروو گەورەکەردەی مدرامانی.
