دەسەو ڕاوەبەریی پاژکی گەشمەرڎە ژەنە سەرمەشقەکیش یادۍ کەرڎێوە، کە مانگەو حوزەیرانینە گەشمەرڎۍ بیێنۍ چا بارۊ ئەرەیاوناش، 'جە کەسایەتیی هامڕایامانە، گەشمەرڎاو شۊڕشوو ژەنۍ یادۍ کەرمێوە وەعدوو بەزیندەیی ئاستەیۊ خەتەو 'ژەنی، ژیوای، ئازادی' مدەیمۍ.".
دەسەو ڕاوەبەریی پاژکی هەریۊ جە زەینەب کناجی (زیلانە)، فیلیز یەرلیکایا (گوڵانە) و سەما یوجە (سەرهەڵدانە) و گەشمەرڎە ژەنە سەرمەشقەکێش یادۍ کەرڎێوە و داواش جە گرد لاێوە کەرڎە: "پارادایموو دیموکراتیکی، ئیکۊلۊژیک و ئازادیی ژەنۍ ڕابەر ئاپۊی وزا دلۍ ژیوایۊ، دەسەڵاتداریی پیای وڕنا و کۊشیای ئایدۊلۊژیک- سیاسی سەروو بنەماو پارێزنای جەوهەری بەڕادیکاڵ بەرا ڕاوە".
ئەرەیاونیاکەو دەسەو ڕاوەبەریی پاژکی پێسنەن:
"گەشمەرڎاو مانگەو حوزەیرانیما کە جە تاریخوو جمیەروو ژەنانە پێسە مانگەو گەشمەرڎا مشناسیۊ، ماناو خەتەو بەپارتبییەی و ژیوای ئازادوو گەشمەرڎاو مانگەو حوزەیرانیمانە. ٣ی حوزەیرانی لەیلا یڵدز (شارستان ئاسمینە)، ٧و حوزەیرانی فلیز یەرلیکایا (گوڵانە)، ١٧و حوزەیرانی سەما یوجە (سەرهڵدانە)، خەدیجە هەزەر (بێریڤان زیلانە)، دەلال عەزیزئۊغڵو (راپەڕین ئامەدە) و ٣٠ حوزەیرانی زەینەب کناجی (زیلانە) کە چالاکیی گیانبازییش کەرد و گەشمەرڎۍ بییە، ئێمە گەشمەرڎاو شۊڕشوو ژەنۍ بە ڕێزۊ یاد کەرمێوە و پێسە هامڕێوەشا بەزیندەیی ئاستەیۊ خەتەو 'ژەنی، ژیوای، ئازادی' دووەبارە کەرمێوە.
گەشمەرڎەبییەی هەر هامڕایوەما، کە پەی ئازادیی قوربانییشا دان، گەشمەرڎۍ بیێنۍ و جەنگی دژواروو کوردسانینە، دژوو هجوومەکاو دەوڵەتی فاشیستی کۊلۊنیالیست، پیاسالاری، رەگەزپەرسی، نەتەوەپەرسی و قڕکەرڎەی ژەنا، تاریخوو مدرامانی کۊمەڵایەتی وزۊ وەرەچەماو ئینسانی. هیچ یاگێوە دنیێنە ژەنی بە ئارەزوومەندانە مەکریۊ بە ئامانجوو سیاسەتوو سڕیەیۊ و دلێنەبەرڎەی سەروازی و میلیتاری. چا ڕووەوە کۊشیای ئازادیی ژەنۍ و کوردسانی جە جمیەرەکای تەروو ژەنانە و کۊشیای ئادیشا ئینا ئاستێوە جیاوازتەرنە. سەبەبوو ئانەیە کە جە کەسایەتیی شۊڕشگێڵنە ژەنانە کە سەرمەشقۍ کۊشیاینۍ، کۊشیای ژەنا کەرا بە ئامانج، ئەرەمەرزنای سیستمی تازەو دیموکراتیکی، ئازادیی ژەنۍ و ئیکۊلۊژیکا. سەبەبەکەش ئانەن کە یاگەگیر و ئەڵترناتیڤ پێشکەش بە ژەناو جیهانی و گەلا کەرا. فەلسەفەو ئازادیی ژەنۍ ڕابەر ئاپۊ دژوو دماکەوتەیی پیاو دنیۍ و دەسەڵاتداری سەرەورڎاێوە ئایدۊلۊژیک-سیاسین. ئا تاوانە دژە ئینسانیۍ دەرهەقوو ژەنە سەرمەشقا کریام تاوانەکاو جەنگی جبەروو یاسێوە مازاوە، چا ڕووەوە گەشمەرڎەبەخشای جمیەروو ژەناو کوردسانی گوزارش جە ڕووەدای، کات و کەسێی مەکەرۊ، پەی ژەناو کوردی کە چەوسیێنێوە، بە وەرەچەمگێرتەی گرد نۊعە قوربانیداێوە، نوێنەرایەتیی سەرەورڎای ڕادیکاڵی کەرۊ.
جەنگنە گەشمەرڎەبییەی مارۊ ئاراوە، کە ئێمە تەنیا بە یادکەرڎەیۊ مەتاومۍ بلمۍ سەرشرە، وەروو ئانەی ڕاسیی گەشمەرڎا تاریخا کە فەلسەفەو ڕاسیی گەشمەرڎان و ژیوای ئازادش وستەن دلۍ ژیوایۊ. گەشمەرڎەبییەی کولتوروو کۊشیای ئازادیی ژەنێن، ئشناسنامە و ئیرادەبییەیشا. هامڕا سەما یوجە کە سەروو خەتەو زیلانەکاوە زینداننە نوێنەرایەتییپاژکی کەرۍ و شکسش دا بە دوژمنی، هامڕا گوڵا کە بە ڕێکوستەی ژەنۍ فیدایی وەرپەرچوو دوژمنی و پیلانەکاش داوە، راپەڕین ئامەدە کە هەڵێسی جەوێویەرڎانەش بۍ، کە بە ئازەیەتی و وەشەویسیوە بەشدارە بییە کۊشیاینە.هامڕا بێریڤانە و زیلانە سەرميشقەکا جمیەروو ژەنامانۍ. هامڕا سەما، گوڵان، راپەڕین، بێریڤانە بە جۊش و خرۊشوو شۊڕشگێڵنایۊ پێسە ڕەمزوو جەوهەروو وەڵاتپارێزنی میراتوو ئازادیی ئێمەشا گەورە کەرد و ڕاو سەرکەوتەیشا مسۊگەرە کررڎە. هامڕا سەما یوجە جە زینداننە دژوو سیاسەتوو دوژمنی پەی ملکەچکەرڎەی جەستەو وێش کەرد بە مەشخەڵ وئازادییش پارێزنا. کەشیچۊ و زیندانیچنە مەیدانوو کۊمەڵایەتی و گیانبازییش وست ڕووە. هامڕا راپەڕین ئامەد، بێریڤان زیلان، گوڵان پێسە ڕۊشەنتەرین بەهایەکاو ئازادیما بەزیندیی مەناوە، ورڎۊبییەی جە ڕاسیی گەشمەرڎا، سەروستەی شۊڕشوو ژەنان.
ژەنی سەرمەشقۍ سۊسیالیستۍ و شۊڕشگێڵنۍ بە نامۍ گردوو ژەنا و گەلاوە ژیوای وێشا تەرخان کەرا کە شارستانیەتوو پیای فاڕا. کوردساننە و وەرکەوتوو دلێڕاسەینە، پەی پارێزنای ئازادیی ژەنۍ ژیوای وێشا تەرخان کەرا. ئارۊ گەریلاکاو ئازادی یەژاستار پەی پارێزنای شکۊ و ئازادی دژوو هجوومە کیمیاوییەکا و بۊردومانەکا سەنگەرەکانە مدرامان کەرا.
ئێمە داوا جە گردوو ژەنا کەرمۍ کە گێڵا شۊنەو ئازادیرە، پەی ئانەی بە گیانووگەشمەرڎاو نوێنەرایەتیی خەتەو ژەنی، ژیوای، ئازادی کەرا، هەڵمەتەو ژەنی، ژیوای، ئازادی! بەرەو شۊڕشوو ژەنۍ گرد یاگێوەنە قەوەتتەر کەرا؛ لە دژوو ئایدۊلۊژیاو پیاسالاری پارادایموو دیموکراتیکی، ئیکۊلۊژیکی و ئازادیی ژەنۍ ڕابەر ئاپۊی پەی دلۍ ژیوای شۊڕ کەراوە، دەسەڵاتوو پیای وڕنا و کۊشیای ئایدۊلۊژیک-سیاسی سەروو بنەماو پارێزنای جەوهەری بەڕادیکاڵ بەرا ڕاوە".
س.ز
