کۆردیناسیۆنو پاژکی جە بارەو گەشمەرڎۍ نوژیان ئامەدۍ (ساڵیحە ئاکبیک)ێوە ئەرەیاۋناش:

 "هەمڕێما، جەنگاوەرەی سەرمەشقەو ئەرەکۊشای ئازاڎیی ژەنۍ نوژیان ئامەدە (ساڵیحە ئاکبیک) دماو ئەرەکۊشایۍ ٣٠ ساڵەی سەرە مڕەی تێکەڵ بە کارەوانو گەشمەرڎا بیە. هەڤاڵ نوژیانە، جە قۆناغێوەنە کە جمیەرو ئازاڎیی ژەنۍ بەرەو هەڵمەتەی تازۍ لوۍ، ئەرەکۊشای ۋێش یاۋنابۍ بە بەرزتەرین ئاست. جە ساڵەو ١٩٩٣ېنە کە بە مەڵامەتوو گەشمەرڎەبیەو هەمڕا بێریتانێوە رابەر ئاپۆ پێرسپێکتیڤو بە سوپابیەو ژەناش دەسپنەکەرڎەبۍ، پېسە ئەندامێوە کە نەزانۍ مانیای چێشا، جە ریزەکا وەڵێوە ئەرەکۊشاینە بەشدارە بیە.

هەمڕا نوژیانە جە ئەرەکۊشای ٣٠ ساڵەیشەنە کاتێ پەنەواز بیۍ جە کۊششی سەروازینە دلۍ ریزەکا وەڵێوە بەشدارە بۍ. کاتێوەیچ پەنەواز بیۍ کە پېسە فەرماندێوە ژەنۍ دلۍ جەنگو گەلی شۆڕشگێڵنینە نامۍ ۋێش جە جمیەرو ئازاڎینە نویسێوە. کاتێ داواش ۋنە کریابیۍ، خەباتی سیاسی و کۆمەڵایەتیچ ڕاوەبەر کەرۍ.

هەمڕا نوژیانە پەی پاڕادایمو ئاپۆیی کە تا سەر بڕواش پنەش بۍ، ئەرەکۊشایش کەرڎ. ۋەرگیریی سیاسیش ئەنجامدا و بیە بە یووە جە ئەرەمەرزنەرا ژیۋای ئازاڎیی.

هەمڕا نوژیانە بە ئەرەکۊشای سەرە مڕەیش پېسە کەسایەتی جەنگاوەری ئاپۆیی نامۍ ۋێش بە رەنج و فیداکاریێوە گۆرۆ جە تاریخو ئەرەکۊشاینە نویستۆ. هەمڕا نوژیانە زانۍ کە زېڵۍ گلێرگەینە ڕاو ۋێش بکەرۆوە و پشکو ۋێش جە هەمرایی هەمڕایانە جە حەقیقەتی هۊربگېرۆ.  ۋێش جە بوارو بیردۆزی، سیاسی و سەروازینە تا ئۍ قووڵتەر کەرێوە، ئەزمونو ۋێش قەوەتتەر کەرڎ و جە هەڵوێسو ژەنۍ ئازاڎێنە گرڎ ڕوۍ زیاتەر بیە بە خاوەنو هێزی. سەرەڕاو ئینیشا گرڎی جە گرڎو کار و کۊشیاکانە گرنگی بە کۆشش و زۋانی، کولتوری و پەروەردەی کۆمەڵایەتی دۍ. بە تەمامی جە دژو ئەقڵیەتو فاشیستی ئاکەپە-مەهەپەی کە جە ۋەرا ۋەرو زۋانی کورڎینە قەڎەغەکاری مسەپنۆ، جە دژو ئانیشا دەسدرێژی مکەرا سەرو بەها کولتورییەکا و هۆرپڕای کورڎی، جە دژوو ئانیشا کە گلېرگەو کورڎی بەرەو تاونایۆ کولتوری مبەرا و هەوڵ مڎا سەرو نامۍ کورڎبیەیۆ هیچ چێوۍ نازاوە، بیە بە خاوەن هەڵوێسێوە گۆرە.

پەی ئانەی جوانۍ کورڎی جە دژو گرڎ جۆرە هرووژمەکا پەی سەرو کولتوری پەروەردە بکریا، پەی ئانەی بتاوا سەرو زۋان و کولتورو ۋێشا گەشە بکەرا، رەنجێوە گۊرەش دا. جە ۋەرا ۋەرو گرڎ جۆرە کردەوێوە قڕکاری و فاشیستینە تەنیا ۋێش بە ئاراسەکەرڎەیۆ سنوردار نەکەرد، ئا زانابیەیەو ۋێش چنی گرڎوو ئا مرۆڤا کە چاڎێوە نزیکۍ بێنۍ هامبەشی پنەکەرۍ.

هەمڕا نوژیانە جە ژیۋایشەنە گرڎ وەختۍ بە کورڎیی قسۍ کەرۍ، بە جەختکەرڎەیۆ جە شێوازو ژیۋای کوردەواریی، کە جە کەسایەتی ۋێشەنە بە هەمیشەیش کەرڎەبۍ و بە زیڼەیی راشگێرتەبۍ جە هەر چوار لاو کورڎەسانینە بێ مردای کار و خەباتش ڕاوەبەر کەرڎ، گرڎ کاتێ بیۍ بۍ بە نمونێوە پەی هەمڕاکاش. پی هەڵوێسەشۆ پەی ژەنی و جوانا کورڎی جە بابەتو ئەرەکۊشاینە جە دژو کردارو قڕکەرڎەی کولتورینە بیە بە شارەزێوە گۆرۍ.

هەمڕا نوژیانە بە هۆشیاری و وزەی گۆرەو ژەنبیەیشۆ بەشداری گرڎ کار و خەباتێوەش کەرڎ. جە ویرکەردەیۆکاشەنە چێوێوە بە نامۍ 'نمەبۆ'ی بیەیش نەبۍ، 'چنی ئەنجامش بڎەیمۍ' بۍ. چەمە گەشەکێش دەرەنجامو کۊششی شۆڕشگێڵنانەی ٣٠ ساڵەیش بێنۍ. جە سەرمەشقایەتی ژەنانە ۋێش قووڵتەر کەرڎۆ و بیە بە فەرماندێوە جەنگاوەری سەرمەشقەو ئەرەکۊشای ئازاڎیی ژەنا. ۋێش قوڵکەرڎۆ جە شێوازو سەرمەشقایەتی ژەنێنە و جیاوازبیەی ۋێش نیشانە دا. هەمڕا نوژیانە بیە بە نامۍ زەریفی، سادەیی، میهرەبانی و هەستیاری ژەنا.

هەمڕا نوژیانە کە جە ئاکاموو هرووژمۍ نامەردانەو ڕژێمی فاشیستی ئاکەپە-مەهەپەینە گەشمەرڎۍ بیە، بە ئەرەکۊشایەکاش میراتێوە گۆرەش پەی جیا ئاستیمۍ. ئارۆنە ئا مڎرامانە بێهاتایەو گەریلای کە چېرو فەرماندەیی هەمڕا نوژیانێنە ڕاوەبەرش مکەرۆ، ڕژێمو فاشیستیش مەحکوم بە دلېنەشیەی کەرڎەن. ڕژێمی فاشیستی جەنگی تایبەت کە جە بوارو کۆمەڵایەتی و سیاسینە بە هیچ جۆرێ شەرعیەتش نەمەنەن، جە گرڎ مېڎانەکانە هرووژمەکێش زیاڎۍ کەردێنۍ هەوڵمڎۆ ساتەکاو دماین و ۋێش بەردەوام بکەرۆ. سیستەمو قڕکەرڎەی ئیمراڵی کە سەرو ڕابەر ئاپۆی ڕاوەبەر مکریۆ، بەشێوێوە سەختەر درێژ مکەرۆوە. ڕوانە بە دەیان ژەنی جە لایەنو بکوژە زاڵمەکا دۆڵەتیوە تیرۆرۍ مکریا. جە کورڎەسانیچەنە بە پەشتگیری کەرڎەی خیانەتی و نۆکەرایەتی پەدەکە-هوداپاری بەردەوامی مڎۆ بە هرووژمە قڕکارییە کلتوریی و سەروازییەکاش. هرووژمە نەژاڎپەرسییەکاش جە دژوو کرێکارا کورڎی بەردەوام مکەرۆ. ئینسان ۋەرو ئانەی بە کورڎیی قسۍ مکەرۆ تیرۆر مکریۆ، بە مەڵامەتوو پارێزنای و ۋەرگیریکەرڎەیش جە بەها کولتورییەکاش موزیۆ دلۍ زیڼانی. تەنیا ڕا پەی هاڵیکەرڎەیۆ ئی هرووژما، بە مڎرامانۍ هامشێوەو هەمڕا نوژیانۍ موییەرۆ. جە دژوو پراکتیزەکا فاشیزمی کە ژیۋای تەمامو ژەنا و جوانا کورڎیش تەنگاو کەرڎەن، بە ڕووەکەرڎەی مېڎانەکا ژیۋای ئازاڎیی، ئەرەکۊشای و مڎرامان، ئینسان متاوۆ بۆ بە لایەق و ئەرەکۊشایەکا هەمڕا نوژیانۍ.

جارێوەتەر قەولو بەرزکەرڎەیۆ ئەرەکۊشای و وەڵێوستەی مڎرامانی مڎەیمۍ کە بە ئەرەکۊشای و هەڵوێسوو هەمڕا نوژیانۍ ڕۊشنکریێوە. قەول مڎەیمۍ شۆڕشو ژەنۍ بیاونمۍ بە ژیۋای ئازاڎیی. سەرساغی ۋێما پەی بنەیانەو هەمڕا نوژیانۍ و تەمامو گەلی وڵاتپارێزنیما موازمۍ.