ناۋەنڎو یاۋنەری و چاپەمەنی ھەپەگەی جە بارەو ھجومەکا دۊڵەتو ترکی ئەرەگېری یاۋنەرێش ۋەڵا کەرڎۊ.

ئەرەیاۋناکە پی جۊرنە:

زانیاری ۋەرفراوان سەرو ھجومەکاو سوپاو ئەرەگېرو ترکی پی شێۋەنە:

٢١ و ئاداری مەیڎانو مدرامانو کەشو جودی جارێۋە بە تەیارەی جەنگی بۊمب ۋاران کریا.

٢١ و ئاداری مەیڎانو مدرامانو کەشو جودی و کەشو ئێف ئێمی، جە مەیڎانەکاو چاڵەو لۊلانی، تەپو گەشمەرڎە کامەرانی، تەپو گەشمەرڎە حەقی، خواکورک و مەیڎانو چەمچۊو سېدای سەنگەرەکۍ مدرامانېما، ١٠٣ۍ جارۍ بە کاتېوشا، ھاوەنە، تانکو چەکی قورس بۊمب ۋاران کریۍ.

 ناۋەنڎو یاۋنەری و چاپەمەنی ھەپەگەی جە ئەرەیاۋنێۋەنە، ئەشناسنامەو گەریلێۋەش ۋەڵا کەرڎۊ، کە مانگەو تشرینی دووەمو ٢٠٢٢ جە مەنتېقەو مەتېنای گەشمەرڎە بیەن.

جە ئەرەیاۋناکەنە ئامان، جە ٢٣ۍ تشرینی دوۋەمو ٢٠٢٢، ھامڕاما "دەلېل چیاگەر" جە ھجومێۋە دوژمنیەنە جە مەنتېقەو مەتېنای گەشمەرڎە بی.

جە بەشێۋەتەرو ئەرەیاۋناکەینە ئامان، جە ۋەران ۋەرو ھجومە ئەرەگېریەکاو دۊڵەتو ئەرەگېرو ترکېنە، کە نېازش ھەن جە ڕاو ئەرەگېرکەرڎەو ھەرێمەکاو پارێزناو مەدیاۊ گەلەکەیما دلێنە بەرۊ، بە ھەڵمەتەی شۊڕشگێڵانەی جەنگو خابوری ھاڤاڵاما ۋنەشا ئامۍ دەسۍ و گورزێۋە قورسەشا ئۊو دوژمنی داو پلانەو دوژمنېشا دلێنە بەرڎە. جە مەنتېقەو مەتېنای، کە مدرامانۍ تاریخی و داستانش چنە ئەنجامدریا، ھامڕاما "دەلېل چېاگەڕ" کە جە سەنگەرەکاو مدرامانیەنەبۍ، چا قۊناغە تاریخیەنە پێسە جەنگاۋەرۍ ئاپۊیی ۋەران ۋەر بە ھجومەکاو دوژمنی، ئەرکو ۋەرپەرسیاری ۋێش جابەجۍ کەرڎو حەتا دما ھەناسەش درێژەش پا ھەڵۋێسیشە داو جە ۋەڵېنگەو ئازاڎیی گەلەکەیمانە یاگۍ شکۊمەنڎانەو ۋێش گێرت.

ھەپەگە جە ئەرەیاۋناکەشەنە سەرەۋەشېش ئاڕاسەو خانەۋاڎەو ئا گەشمەرڎەیەو گرڎو گەلی نېشتېمان پەروەرو کورڎسانی کەرڎ.

زانېاری سەرو ئەشناسنامەو ئا گەشمەرڎەیە ئېنەن:

ئەشناسیا بە / دەلېل چېاگەر

نامۍ و دمانامۍ / ڕێزان بېلکای

یاگۍ جە ئەڎابیەیش/ مێردین

نامۍ ئەڎۍ / ئەمېنە

نامۍ تاتەی/ ئېبراھېم

ۋەختو یاگۍ گەشمەرڎە بیەی / ٢٣ۍ تشرینی دوۋەمو٢٠٢٢/ مەتېنا.

ھ.ش