دماو ئانەی هیزی ڕۊنامەنویس ئومێد بەرۊشکی، جە کۊنگریوە ڕۊنامەنویسیینە، سه‌روو سه‌پنای سزاو ٤ ساڵا تەری زینڎانیكەرڎەی ملوو شێروان شێراوانیرە، ڕه‌خنەش جه مه‌سرور بارزانی گێرت، شه‌وەی ویەرڎۍ جە ڕاو هێزه‌كاو سه‌ر به په‌ده‌كه‌یۊ ئڕفانیا.
هیزی دادگاو هه‌ولێری به تۊمه‌توو "ساخته‌كاری"، سزاو ٤ ساڵا زینڎانیش سه‌روو شێراون شێراونییرە سه‌پنا، دماو قەراره‌كه‌یچ ڕۊنامەنویس، ئومێد بەرۊشکی کۊنگرێوە ڕۊنامەنویسینە ئەرەیاوناش، مەسرور بارزانی ئینا لای سەریی یاسێوە و بە ئەقڵییەتێوە پۊلیسیوە قەراروو سزادای شێروان شێروانییش دێنە. وەختێوەنە به ئه‌قڵیه‌توو سه‌روازی و هه‌واڵگێریوە وەڵات مەبریۊ ڕاوە. پەوکای ئی قەرارە دژوو ده‌نگی ناڕازیی بادینانی دریان، پەنەوازا دژێش بیمۍ و هه‌ڵوێستما بۊ.
ئەیهان سەعید، نوێنەروو گیریایاو بادینانی، پەڕەی تایبەتیی وێشنە تۊڕەو کۊمەڵایەتیی فەیسبوکینە وەڵاش کەرڎەنۊ، هیزی شه‌وۍ دێرۍ ڕۊنامەنویس ئومێد بەرۊشکی ڕاو هێزێوە ئەمنییوە دهۊکنە ئڕفانیا.
نوێنەروو گیریایاو بادینانی باسوو ئانەیچش کەرد، چارەنویس و سڵامەتیی گیانوو ئومێد بەرۊشکی ئینا گەرڎەنوو ھێزە ئەمنییەکاو پەدەکەینە، چونکوم ئا ئڕفانایە بە دایوەنە و بۍ قەراروو دادگای بادیناننە بییەن بە مودێل.
یاگۍ باسینە، ئومێد بەرۊشکی یۊن جه زینڎانییاو بادینانی و جە ٢١ ئابوو ٢٠٢٠ تا ٢٢ شوباتوو ٢٠٢٢ بۊنەو هەرمانە ڕۊنامەوانییەکاشۊ گیریابۍ و کریابۍ زینڎان.
س.ز
