جە چوارچوە و ژیوگەدۆستی و پەلەوەردۆستیەنە، خەڵکوو دەگاو دەرەتفۍٚ سەر بە شارو مەریوان-ی، هیلیانێشان پەی "لەقلەق"ـەان وەشۍٚ کەردێنۍٚ تا جە سەروەخت کۆچی و هێڵەکەردەیشانە بەکارشان باوەرانۍٚ.
بە تایبەتی کە ئیسە وەرزو کۆچی و گەرمیان و کویسانو باڵندەکان و هاموەخت وەرزو هێڵەکەردەی لەق لەقەکان، بییەی هیلیانەکا فرە گرنگۍٚ و بەسودێنۍٚ.
بەپاو زانیاریەکان، دەگاو «دەرەتفێ» ئیسە بیێنە بەنشینگەو زیاتەر جە ۸۰۰ لەقلەقا و دەرتفیەکۍٚ کۆڵەکۍٚ جە دلۍٚ و دەورەوبەرو دەگایەکێشانە کۆەڵکۍٚ درێژێشان مەرزنێرە و سەرشاوە هیلیانێشان پەی لەقلەقکان دروستۍٚ کەردێنۍٚ تا لەقلەقەکۍٚ بەکارشان بەوەرانۍٚ و جە دارتەل و داربرقەکان دورۍٚ بگنانێوە و زیانمەندۍٚ نەبانۍٚ و مەتەرسی کارەباگێرتەی پارێزیۍٚ ببانۍٚ.