بە پاو زانیارییەکا، پۆلیسو عێراقی هۊرشکوان سەرو بیناو شارەوانی گرزەرکی شەنگالی کە جە ١٠و ئادارو ٢٠٢٥یوە جە لایەنو ئیدارەو ۋېڕاوەبەری شەنگالیوە پەی خزمەتکەردەی گەلی ئەرەمەرزیا. جەئیساتێنە بیناو شارەوانییەکەی جە لایەنو پۆلیسو عێراقیوە ئەرەگیر کریان و ڕا نمەڎا بەردەوام بۆ جە پێشکەشکەردەی خزمەتگوزارییەکاش.

زانیان هێزەکۍ پۆلیسو عێراقی بەبێ نیشاندای هیچ بەڵگە و بەهانێوە، کاتێ کرێکارا شارەوانییەکەی کاتو ئیسراحەتیەنە بیێنۍ، هێزێوە ۋێش بەردەن بیناو شارەوانییەکەی و چا بنەشا وستێنە. پەی ئەنەیاوای جە مژارەکەی چڼین هەوڵۍ جە لایەنو ئیدارەو ۋېڕاوەبەری شەنگالی و ۋەرپەرسا شارەوانییوە دریێنۍ، بەڵام گرڎو جوابو پۆلیسی ئانەنە، ئەمرەشا پنە کریێنە چا بنە وزا و دەسسەرو بیناو شارەوانییەکەیرە گێرا.