بەپاو سەرچەمەکاو هەواڵو وەرکەوتو کوردستانی، کەمینەو گرووپێوی چەکداریی نەشناسینە نزیکوو هەنگەژاڵەو بانەینە ئەندامێوی هێزەکاو پاسەوانی سنووری کوشیا و یەرێ ئەندامێ تەرێ ئا هێزەیە بریندارێ بیێ.

هاموەخت میدیاکاو نزیکو سوپاو پاسدارا پەنجەپێکایەکەیشا پەشتڕاس کەردەنۆ و ئاماژە پانەیە کریان، کە هجووم کریان سەرو تاوەرێوی پاسەوانی سنووری.

ئانەیچ وزیان ڕووە، کە ئەندامێوی هێزو پاسەوانی سنووری بە نامێ فەرزین بلیانی کوشیان، دووێ سەروازێ و پلەدارێوەیچ بریندارێ بیێنێ. 

تا ئیساتێ شناسنامەو ئا گرووپە چەکدارەیە نمەزانیۆ و حیچ یۆ جە حزبەکاو وەرکەوتو کوردستانیچ  نەوستەنسا ملوو وێشا.

خاڵەی سنوورییەو هەنگەژاڵەو بانەی بە یوە جە تەرسناکتەرین یاگەکا پەی کۆڵبەرا منریۆرە و دووە ساڵی ویەردەنە دەیان کۆڵبەرێ چاگەنە بیێنێ قوربانی دەسمجوو گولـلەو هێزەکاو پاسەوانی سنوورو دەوڵەتو ئێرانی.