جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەریی پۍ پرسوو کوردی" کە جە ١٠/١٠/٢٠٢٣ ێوە دەسشپنەکەردەن، جە ٢٧/١١/٢٠٢٣ ێچۆ زینڎانیا قەزیەو پەکەکەی و پاژکی جە زینڎانەکا دەوڵەتوو تورکیای جە سەرنیشتوو کوردسانی و تورکیای، جە ١٠٦ زینڎانانە مانیشا جە واردەی دەس پنەکەردەن. کەسوکاروو زینڎانیایچ پۍ پالپەشتیشا دەسشا بە چەمڎاری دادپەروەریی کەردەن.

یووە چا زینڎانیا کە مانیش جە واردەی گرتەن، زینڎانیەی نەوەشە ئامینە کایانە کە ماوەو چوار ساڵان ئینا زینڎانوو ژەنا بەکرکۆی ئەستەنبوڵینە.

مریەم سۆیلووە ئەڎاو کایۍ قسێش پۍ ئاژانسوو فوراتی کەردۍ و واتش: 'نەتاوام سەردای کناچەکێم کەروو چونکی جە منۆ دوورەنە، بە تەلەفۆن قسێم چنی کەردە، پنەش واتا کە فرە خاسەنە، زینڎانیەکۍ بە ئاژەو زینڎانیوە حەرچنڎە خاسێچ نەبا ، بەڵام ۋەروودەموو دوژمنینە بە موراڵۆ مردێنۍ، زیاڎ جە ٩ ساڵ منیچ زینڎانەنە بێنۍ، مزانوو ئاژەو زینڎانەکا چنینا، پۍ گەلی و بنەیانەکا مۆڕاڵ عالا، ئێمە ئینایمۍ سەروو پەیاوە، ئانەی ئینسانەکا جە چوار دیوارێنە بە موراڵۆ مردنۆ، ئیراڎە و کۊشیای مرۆڤەکان، حەرچنڎە دوژمن فشار وزۆ سەرشا، مەتاوۆ ئیراڎەو زینڎانییەکا ماڕۆ".

جەنگی دەروونی دژوو زینڎانیا سیاسی ملۊڕاوە

مریەم سۆیلووە بە ئاماژەدای پانەی کە ئاژەو زینڎانیا پۍ زینڎانیا سیاسی سەختتەر بۆ و واتش: "ڕۆڵەکێما کە ژوری تاکە کەسینە مازیاوە، دوژمن ئیسە شەرت و مەرجوو ساڵا نەوڎەکا سەروو زینڎانییەکارە سەپنۆ، کۊشیاکەی بەردەواما. زینڎانییەکۍ تووشوو ئەشکەنجەی دەروونی با، ئی جەنگە دەروونییە جە ئەشکەنجەی جەستەیی خراپتەرا، پەنا پۍ گرڎ جۆرە ئەشکەنجێوە دەروونی بەرا، ئێمە ئینەی قبوڵ مەکەرم و دژش مردمېوە.

مشۊم کۊشیای وەڕاوەبریۆ، گۆشەگیری مەڕیۊنە

مریەمە ئاماژەش پانەی دا کە کۊشیا جە زینڎانەکانە بەردەوام بۆ هەتا گۆشەگیریی سەروو ڕابەروو گەلوو کوردی عەبدوڵا ئۆجالانر هۊرگیریۆ و واتش، ئینە تەنیا ویستوو رۆڵەکامانە و بەردەوامۍ با تا جابەجێ کەردەی ویستەکەیشا. پرسێوە تەری گرنگ سەبارەڎ بە ئاژەو زینڎانییە نەوەشەکان کە جە ئاژێوە سەختوو زینڎانینە مەناوە، تەنانەت مەبریا پۍ خەسەخانەی و چارەسەریچشا پۍ مەکریۆ و داواکێشا بەدی نمەیا. هەڤاڵەکێما پۍ ئازاڎیی ڕابەروو گەلوو کوردی عەبدوڵا ئۆجالانی و زینڎانییە نەوەشەکا، دەسشا بە کۊشیای کەردەن. ئێمە پۍ ئا هەڤاڵاما کە دەسشا بە مانگرتەی جە واردەی کەردەن، داوا جە گرڎوو بنەیانا و گەلەکەیما کەرمۍ پاڵپەشتۍ ئی کۊشیایە با.

کرێڵوو چارەسەری ڕابەروو گەلووکوردی عەبدوڵا ئۆجالانا.

مریەم سۆیلووە ئاماژەش پانەی دا کە ئەڎایا ئاشتی و داڎپەروەری و برایەتیشا گەرەکا، واتش:" ئیتر گەرەکما نیا ڕۆڵەکێما جە زینڎانەنە مرا، ئەڎاکۍ گەرەکشا نیا کەس مرۆ. ئیتر گەرەکما نیا گرەومۍ. ئێمە داوا جە ئەڎایا تورکی کەرمۍ، "با بەیا پەشتگیریما کەرا. با ڕۆڵەکێتا نەمرا، چنیما بیدۍ. ئێمە تەنیا داواو یەکسانی کەرمۍ سەروو بنەماو دادپەروەری و مرۆڤایەتی. پېسە چنی مافوو مرۆڤی هەن. گەلوو کوردیچ مافش هەن جە جەهانەنە، پۍ چی زوڵم و دڕندەیی فرە ۋەران ۋەر بە گەلوو کوردی کریۆ، ئێمە چی وڵاتەنە جە ئەڎۍ بیێنمۍ و گۊرۍ بیێنمۍ، ئینە خاکوو ۋێمانە، ئیسە پێویسا گەلوو کوردی بزانۆ کە کرێڵ و نامونیشانوو چارەسەری ڕابەروو گەلوو کوردی عەبدوڵا ئۆجالانا. ئەگەر ڕابەرەکەما ئازاڎ کریۆ، دادپەروەری و ئازاڎیی جە ۋەرکەوتوو میامینینە بەدی مۍ. ئێمە گۆشەگیریی ڕابەرەکەیما قبوڵ مەکەرمۍ.