پەرلەمانتاروو پارتوو نەتەوەیی سکۊتلەندا (ئێس ئێن پی)ی تۊمی شێپێرد، بارەو گۊشەگیری سەروو ڕابەروو گەلوو کوردی عەبدوڵا ئۊجالانیوە نامێش ئاراستەو وەزیروو بەروو شاننشینی یۊگێرتە دەیڤید کامێرۊنی کەرد.
پەرلەمانتاروو پارتی نەتەوەیی سکۊتلەندای تۊمی شێپێرد پێوەس بە گۊشەگیری سەروو ڕابەروو گەلوو کوردی عەبدوڵا ئۊجالانیوە نامێوەش ئاڕاستەو دەیڤید کامێرۊن وەزیروو بەروو شانشینی یۊگێرتەو بەریتانیای کەرد و دلێشنە داواش کەرڎە، گۊشەگیری دماییش پەنە بۍ و پەی ئازادیی عەبدوڵا ئۊجالانی گنۊ حەوڵێوە.
جە ڕووەکاو وەڵێنە پەرلەمانتاروو پارتی نەتەوەیی سکۊتلەندای پەرلەمانوو ئەورووپاینە چەنی پارێزنەراو ڕابەروو گەلوو کوردی عەبدوڵا ئۊجالانی دیدارش کەرد و تا سەرنجە پەی سەروو گۊشەگیری کێشنۊ نامێوەش پەی دەیڤید کامێرۊنی وەزیروو بەروو شانەنشینوو یۊگێرتەو بەریتانیای کیانا.
شێپێرد نامەکەشنە ئاماژەش بە کاریگەریی عەبدوڵا ئۊجالانی سەروو چەسپنای ئاشتیی وەرکەوتوو دلێڕاسەینە کەرد و ئانەش وست ڕووە، کە گۊشەگیری پێسە برینێوەن پەی گەلوو کوردی. شێپێرد داواش کەرڎە، هەوڵەکا پەی ئازادکەرڎەی عەبدوڵا ئۊجالانی وزیا هەرمانە.
شێپێرد باسش کەرد، کە نزیکەو ٢٥ ساڵان عەبدوڵا ئۊجالان ئیمراڵیینە ئینا ژوورێوە تاکەکەسیینە زینڎانیی کریان و واتش، "ئینە دۊخێوەن، کە پێچەوانەو قەرارەکاو دادگاو مافەکاو ئینسانوو ئەورووپاین".
شێپێرد نامەکەشنە ئانەش وستەن ڕووە، کە چەمش کەوتەن بە پارێزنەراو عەبدوڵا ئۊجالانی، "پارێزنەرەکیش واتەنشا کە نزیکەو یەرۍ ساڵان ڕا مەدریۊ بەڕێز ئۊجالان حیچ پەیوەندییێوە بە بەریوە بۊ. ئا دۊخەیچە زەرەرێوە فرە بە تورکیای میاونۊ. ئی دۊخە بە ماناو پاشێلکەرڎەی یاسا میاننەتەوەییەکاو مافەکاو ئینسانین. هەرپاسە ئانە پەی هەزاران هاموەڵاتە کوردا، کە ئی وەڵاتەشا کەرڎەن بە یانەو وێشا سووکایەتیین".
مشۊم دمایی بە زینڎانیکەرڎەیش بۍ
شێپێرد داواش وەنەو دەیڤید کامێرۊنی کەرڎە، کە چەنی کاربەدەساو تورکی ئا بابەتەیە ورسەنگنۊ و ڕا بدریۊ پارێزنەراو عەبدوڵا ئۊجالانی چەمشا پەنەش گنۊ، هەرپاسە دمایی بە گۊشەگیری بارۊ و تا دمایی بە زینڎانیکەرڎەیش بۍ سیاسەتێوە گێرارە وەر.
